ستيۋاردەسسا جولاۋشىلارعا اشا بەرمەيتىن قۇپيالارىن ءبولىستى

نۇرسۇلتان. قازاقپارات - ستيۋاردەسسا جولاۋشىلارعا ايتىلمايتىن قۇپيالارىن ءبولىستى، - دەپ حابارلايدى az.tengritravel.kz پورتالى express.co.uk باسىلىمىنا سىلتەمە جاساپ.

بىرنەشە اۋەكومپانياسىندا جۇمىس ىستەگەن قىزمەتكەر كونتەنت الماسۋ سايتىندا ءبىرقاتار قۇپيالارىن بولىسكەن. مىسالى، ول ۇشۋ كەزىندە جولاۋشىلارعا پايدالانىلعان جامىلعى بەرىلۋى مۇمكىن ەكەنىن ايتقان.

«بۇل كومپانيا بىزگە جاڭا كورپە مەن جاستىقتى جەتكىلىكتى مولشەردە قامتاماسىز ەتپەگەندىكتەن سولاي بولدى»، - دەپ تۇسىندىرەدى ستيۋاردەسسا. ساياحاتشىلار جەكە زاتتارىن الىپ جۇرسە، وزدەرىنە ىڭعايلى بولىپ، جايلى سەزىنەر ەدى، - دەيدى ول.

سونىمەن قاتار، ول ۇشاقتىڭ مۇنتازداي تازا بولمايتىنىن اتاپ ءوتتى.

«سوڭعى تازالاۋ قاشان جۇرگىزىلگەنىن ءبىز ناقتى ايتا المايمىز»، - دەپ جازادى ستيۋاردەسسا.

ترانزيت كەزىندە تەك كىلەم تازالانادى، دارەتحانالار كەرەك-جاراقپەن تولتىرىلادى جانە تازالاعىش زاتتارمەن وڭدەلەدى، - دەيدى ستيۋاردەسسا.

وسى سەبەپتى ساياحاتشىلارعا ۇشۋ كەزىندە اياق كيىمىن شەشپەۋگە كەڭەس بەرەدى.

ول سونداي-اق ۇشاقتاعى تاماقتانۋ تۋرالى دا ايتا كەتەدى.

«سىزگە بەرىلگەن تۇسكى اس سالاۋاتتى، دەنىڭىزگە ساۋلىق بەرەدى دەپ تە تولىق ايتا المايمىز»، - دەپ بولىسەدى ستيۋاردەسسا.

سونىمەن قاتار، جولاۋشىلار رەيستىڭ كەشىگۋىنە قاتىستى ناقتى دەرەكتەردى دە ەشقاشان بىلە المايدى ەكەن.