سارحات بەيسەنوۆا ەلوردا مەكتەپتەرىندەگى كوروناۆيرۋس ستاتيستيكاسىن ايتىپ بەردى

نۇر-سۇلتان. قازاقپارات - نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا ەلوردا مەكتەپتەرىندەگى كوروناۆيرۋس ستاتيستيكاسىن ايتىپ بەردى، دەپ حابارلايدى قازاقپارات ءتىلشىسى.

«2021 -جىلدىڭ 1-ناۋرىزىنداعى جاعداي بويىنشا، وقۋ جىلىنىڭ باسىنان بەرى مەكتەپ وقۋشىلارى اراسىندا 1103 COVID-19 جاعدايى تىركەلدى. ونىڭ ىشىندە كەزەكشى سىنىپ وقۋشىلارى اراسىندا 263 نەمەسە %23,8، قاشىقتان وقىتۋ بويىنشا وقۋشىلار اراسىندا 840 جاعداي، ياعني %76,2 كورسەتكەن»، - دەدى س. بەيسەنوۆا ەلوردا اكىمدىگىندە وتكەن ونلاين بريفينگتە.

سونىمەن بىرگە، 1-اقپاننان باستاپ قالادا مەديتسينا قىزمەتكەرلەرىن، 1-ناۋرىزدان باستاپ - پەداگوگتار مەن كۇش قۇرىلىمدارى قىزمەتكەرلەرىن ۆاكسينالاۋ باستالدى. بۇگىندە 1 كومپونەنتپەن 2241 ادام، 2 كومپونەنتپەن - 824 ادام قامتىلعان.

ايتا كەتەيىك، ەلوردادا COVID-19 اۋرۋى قاڭتار ايىمەن سالىستىرعاندا %33,8 عا تومەندەدى. تاۋلىگىنە شامامەن 68 ينفەكسيا جاعدايى تىركەلەدى، ونىڭ ىشىندە 37 جاعداي سيمپتومدى، 31 ى سيمپتومسىز تۇردە. قالادا كوبىنەسە 30-39 جاستاعى ادامدار باسىم اۋىرادى، ولار %24,8 قۇرايدى. 50 جاستان اسقان ادامدار - %23,5 بولسا، بالالاردىڭ جالپى سىرقاتتانۋشىلىقتاعى

ۇلەسى - %14,9 قۇرايدى.

اۆتور: ايجان سەرىكجان قىزى