قىتاي ماۋسىم ايىنىڭ سوڭىنا دەيىن ۆاكسينا ەگۋدى جىلدامداتۋدى جوسپارلاپ وتىر
بۇل تۋرالى ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتى جانىنداعى ساراپشىلار توبىنىڭ باسشىسى برۋكينگس ينستيتۋتى ۇيىمداستىرعان ونلاين- فورۋم بارىسىندا مالىمدەدى، دەپ حابارلايدى قازاقپارات.
ونىڭ ايتۋىنشا، قىتاي ماۋسىم ايىنىڭ سوڭىنا دەيىن ەل حالقىنىڭ شامامەن %40 ىن ەگۋدى جوسپارلاپ وتىر. ول ءۇشىن قىتايدا بەلگىلەنگەن مەرزىمگە جەتۋ ءۇشىن كۇنىنە كەمىندە 5 ميلليون دوزا ەنگىزۋ كەرەك.
سونىمەن بىرگە، ول «بۇكىل الەمدەگى باستى ماسەلە - ادامدارعا ۆاكسينانى مۇمكىندىگىنشە تەزىرەك الۋ» دەپ اتاپ ءوتتى. ونىڭ پىكىرىنشە، ەگەر ۆاكسينالاۋ پروتسەسى كەشىكتىرىلسە، ۆيرۋستىڭ مۋتاتسيا ىقتيمالدىعى سوعۇرلىم جوعارى بولادى. وسىعان بايلانىستى ول بارلىق ۆاكسينا ءوندىرىسىن جەدەلدەتۋگە جانە ۆيرۋستىڭ تۇرلەرىنە سەزىمتال جاڭا تيپتەگى ۆاكسينالار جاساۋعا شاقىردى. جۋن نانشان، سونىمەن قاتار، قىتايداعى ۆاكسيناتسيانىڭ تومەن قارقىنىنا الاڭداۋشىلىق ءبىلدىرىپ، ولاردى جەدەلدەتۋ قاجەتتىلىگىن اتاپ ءوتتى.
قىتاي ەپيدەميولوگى 27-اقپانداعى جاعداي بويىنشا قىتايدا 1,4 ميلليارد ادامنىڭ تەك %3,56 ى ەگىلگەنىن ايتادى. ءوز كەزەگىندە يزرايل حالىقتىڭ %92,46 ىن، ب ا ءا - %60,82، ۇلى بريتانيا - %30,13، ا ق ش %22 ىن ۆاكسينالادى.
اۆتور: گۇلزات اقجولوۆا