08:58, 03 - ناۋرىز 2021 | GMT +6
نۇر-سۇلتاندا اليمەنت تولەمەي جۇرگەن بورىشكەردىڭ دجيپى تاركىلەندى
نۇر-سۇلتان. قازاقپارات - بورىشكەردىڭ اليمەنت تولەمەگەنى ءۇشىن كەزەكتى جول تالعامايتىن كولىگى تاركىلەندى، دەپ حابارلايدى قازاقپارات نۇر-سۇلتان قالاسىنىڭ جەكە سوت ورىنداۋشىلارىنىڭ وڭىرلىك پالاتاسىنىڭ (ج س و) باسپا ءسوز قىزمەتىنە سىلتەمە جاساپ.
بورىشكەر سوت شەشىمىن قاساقانا ورىنداماعان جانە سوت ورىنداۋشىسىمەن بايلانىسقا شىقپاعان. بۇعان قوسا سوت شەشىمىن ەلەمەگەن.
«نۇر-سۇلتان قالاسىنىڭ ج س و ءىس جۇرگىزۋىندە ازاماتشا ن- دان ازاماتشا م- نىڭ پايداسىنا 3361869 (ءۇش ميلليون ءۇش ءجۇز الپىس ءبىر مىڭ سەگىز ءجۇز الپىس توعىز) تەڭگە مولشەرىندە اليمەنت جانە بەرەشەك ءوندىرىپ الۋ تۋرالى سوت بۇيرىعى بار. بورىشكەردىڭ 2006-جىلى شىققان «CADILLAC ESCALADE « ماركالى اۆتوكولىگى تاركىلەنىپ، ماجبۇرلەپ ساتۋعا بەرىلدى»، - دەيدى نۇر-سۇلتان قالاسى ج س و وڭىرلىك پالاتاسىنىڭ ورىنباسارى ءمادينا جاناسايەۆا.
ساۋدا-ساتتىق ءوتىپ، ماشينا 5135000 تەڭگەگە ساتىلعان.