+7 (701) 759 90 19
+7 °С : نۇر-سۇلتان
+14 °С : الماتى
USD 430.39 EUR 515.52
RUB 5.68 CNY 66.03
جاڭالىقتار

ەلوردادا «ءشامشى» ميۋزيكلى كورەرمەن نازارىنا ۇسىنىلدى

2 ناۋرىز 22:45
:ءبولىسۋ
ەلوردادا «ءشامشى» ميۋزيكلى كورەرمەن نازارىنا ۇسىنىلدى

نۇر-سۇلتان. قازاقپارات - ەلوردادا «ءشامشى» ميۋزيكلىنىڭ پرەمەراسى ءوتتى، دەپ حابارلايدى قازاقپارات مۋزىكالىق جاس كورەرمەن تەاترىنىڭ باسپا ءسوز قىزمەتىنە سىلتەمە جاساپ.

1- ناۋرىز كۇنى قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي قازاقتىڭ كومپوزيتورى ءشامشى قالداياقوۆتىڭ ءومىرى مەن شىعارماشىلىعىنان كورىنىس بەرەتىن «ءشامشى» ميۋزيكلىنىڭ پرەمەراسى ءوتتى.

اۆتورى - ءمادينا وماروۆا، قويۋشى رەجيسسەرى - قازاقستاننىڭ ەڭبەك سىڭىرگەن قايراتكەرى اسحات ماەميروۆ، رەجيسسەردىڭ اسسيستەنتى - مەكان دجۋمابايەۆ.

«قويىلىمنىڭ تۇساۋكەسەرى 1- ناۋرىز - العىس ايتۋ كۇنىمەن تۇسپا-تۇس كەلگەندىكتەن تەاتر ۇجىمى قوعامدا پايدالى ءارى يگى ىسپەن اينالىسىپ جۇرگەن ۆولونتەرلەردىڭ ەڭبەگىن ەلەۋدى ءجون كوردى. ولارعا العىس ءبىلدىرۋ ماقساتىندا سپەكتاكلگە ەلوردامىزدىڭ 30 عا جۋىق جاس ۆولونتەرلەرى ارنايى شاقىرىلدى»، دەلىنگەن حابارلامادا.

تەاتر ديرەكتورى، قازاقستاننىڭ ەڭبەك سىڭىرگەن قايراتكەرى اسحات ماەميروۆ: «قيىن كەزەڭدە كومەك بەرىپ، مەملەكەتتىڭ كوتەرىپ جاتقان ۇلكەن جۇگىنە ارالاسىپ، تەڭىزگە تامعان تامشىداي بولسا دا، ۇلكەن ەڭبەك ەتكەندەرىڭىز ءۇشىن مىڭ العىس! بۇگىنگى مەرەكە قۇتتى بولسىن!» - دەپ پرەمەرانى العىسپەن باستادى.

قويىلىم بەلگىلى تۇلعانىڭ كۇرەسكەر، عاشىقتىق جانە كومپوزيتورلىق قىرلارىن كورسەتتى. ناقتىراق ايتقاندا، كۇرەسكەر ءشامشىنىڭ ءرولىن امان عۇماروۆ، كومپوزيتور ءشامشىنىڭ ءرولىن سۇلتان كەڭشىلىك، عاشىق ءشامشىنىڭ ءرولىن سالامات مۇقاشيەۆ سومدادى. ءۇش اكتەر ساحنا الدىندا كومپوزيتوردىڭ ءومىر جولىندا كەزىككەن قيىندىقتارىن، ادام مەن قوعامعا دەگەن فيلوسوفياسىن، ىشكى جان دۇنيەسىندەگى تولقىعان سەزىم يىرىمدەرىن، عاشىقتىق سىرلارىن اۋەزدى اندەر ارقىلى كورەرمەندەرگە جەتكىزە ءبىلدى.

سونىمەن قاتار قوناقتار ميۋزيكلدە مۇقاعالي ماقاتايەۆ، روزا باعلانوۆا، ءابىلاحات ەسپايەۆ، تولەگەن ايبەرگەنوۆ، جۇمەكەن ناجىمەدەنوۆ، اقان سەرى سىندى تۇلعالاردىڭ بەينەلەرىن كەزدەستىرىپ، ولار ءشامشىنىڭ ونەرىن قالاي قولداپ، شىڭدالا تۇسۋىنە قانداي سەپتىگىن تيگىزگەندەرىنە كۋا بولدى.

مۋزىكالىق جاس كورەرمەن تەاترى «ءشامشى» ميۋزيكلى ارقىلى ونەر جولىنا قىزىعۋشىلىقپەن قارايتىن دارىندى جاس وسپىرىمدەر مەن بالالاردىڭ قيالىن قوزعاپ، ولاردى ونەرگە قىزىقتىرىپ، قاناتتاندىردى.

قويىلىمدى تاماشالاعان جاس كورەرمەن شامشىگە قاراپ، ونىڭ شىعارماشىلىعىنا زەر سالىپ، كۇردەلى ءومىر جولىنداعى كيەلى ونەردىڭ باعاسى ادامزات عۇمىرىن ارناۋعا تۇراتىنداي قۇدىرەتتى دە تازا ەكەندىگىنە كوز جەتكىزدى.

تەاترداعى كامەرالىق وركەستردىڭ سۇيەمەلدەۋىمەن وتكەن سپەكتاكلدە ۇلى كومپوزيتوردىڭ 15 كە جۋىق اندەرى ورىندالدى. «جان اعا»، «ارىس جاعاسىندا»، «ءانىم سەن ەدىڭ»، «قايىقتا»، «ءومىر وزەن»، «باقىت قۇشاعىندا»، «ساعىنىشىم مەنىڭ»، «قۋانىش ءۆالسى»، «اق ماڭدايلىم»، «سىعان ءانى»، «اقان سەرى»، «انا تۋرالى جىر»، ت. ب. اندەرى كورەرمەننىڭ كوڭىلىن باۋراپ، جۇرەك تۇكپىرىندەگى مەيىرىمى مەن ماحابباتىن وياتا ءتۇستى.

قالا تۇرعىندارى مەن قوناقتارى «ءشامشى» ميۋزيكلىن 2، 3- ناۋرىز كۇندەرى تاماشالاي الادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات