قىتايعا جۇك تاسىمالداۋعا ۋاقىتشا تىيىم سالىنادى

نۇر-سۇلتان. قازاقپارات - ق ح ر- مەن شەكارالاس ستانتسيالارداعى جاعداي كۇردەلى كۇيىندە قالۋدا.

كوروناۆيرۋسقا قارسى قاتاڭ شەكتەۋ شارالارىنا قاتىستى كورشى ەل جۇك تيەلگەن ۆاگونداردى قابىلدامايدى، دەپ حابارلادى ق ر ي ي د م.

تاستاپ كەتىلگەن پويىزدار سانى وسۋدە، بۇل قازاقستاننىڭ ماگيسترالدىق جەلىسىنىڭ وتكىزۋ قابىلەتىنە تەرىس اسەر ەتۋدە. قازىرگى كەزدە تاستاپ كەتىلگەن 12 مىڭ جۇك تيەلگەن ۆاگونى قوزعالىستان قالسا، ولاردىڭ باسىم بولىگى ۆاگون يەلەرىنە تيەسىلى.

تەمىرجول اكىمشىلىگى بۇل ماسەلەنى شەشۋ ءۇشىن بىرنەشە رەت شارالار قابىلدادى، ءبىراق قىتايلىق تاراپ قول قويىلعان كەلىسىمدەر مەن حالىقارالىق كەلىسىمدەردى ەلەمەۋدە. ناتيجەسىندە ۆاگون يەلەرى مەن ەكسپورتتاۋشىلار ۇزاق ۋاقىت تۇرىپ قالۋ سالدارىنان ەكسپورتتىق شارتتارىن ورىنداي الماي، شىعىنعا باتۋدا.

بيىلعى 26 - اقپانداعى جاعداي بويىنشا استىق تيەلگەن 250 جۋىق جابىق ۆاگون قايتا جونەلتىلىپ، باستاپقى تيەۋ ستانتسيالارىنا قايتارىلدى، وزگە ەكسپورتتاۋشىلاردان وتىنىمدەر كەلىپ تۇسۋدە، ولاردى «ق ت ج- ج ت» قىزمەتكەرلەرى جەدەل وڭدەۋگە تىرىسۋدا. سالالىق قاۋىمداستىقتاردىڭ، سونىڭ ىشىندە قازتوق، استىق وداعى جانە ت. ب. ءوتىنىشى بويىنشا «ق ت ج- جۇك تاسىمالى» ج ش س دوستىق ستانتسياسى باعىتىنا، ودان ءارى ق ح ر- عا جۇك تاسىمالداۋعا:

- 1 ناۋرىزدان 31 نە دەيىن جۇك ترانزيتىنە؛

- 1-15 - ناۋرىز ارالىعىندا كونتەينەرلەردەگى جۇكتەردەن باسقا بارلىق جۇكتەرگە؛

- 2021 -جىلعى 1-20 - ناۋرىز ارالىعىندا جابىق ۆاگوندار مەن استىق تاسىعىشتارداعى بارلىق استىق جۇكتەرىنە تىيىم سالۋعا ءماجبۇر بولدى.

تىيىم سالۋ كەزىندە «ق ت ج- جۇك تاسىمالى» ج ش س قىتايلىق تاراپقا تاستاپ كەتىلگەن پويىزدار مەن استىق تاسىعىشتاردى بەرۋدى جوسپارلاپ وتىر. سونداي-اق استىق تيەلگەن جابىق ۆاگونداردى بەرۋ بويىنشا شارالار قابىلداناتىن بولادى. ءبىر اپتا بويىنا تىيىم سالۋدى ەنگىزۋ تۋرالى ماسەلە «اتامەكەن» ق ر ۇ ك پ، قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ الاڭدارىندا جۇك جونەلتۋشىلەرمەن، ەكسپورتتاۋشىلارمەن تالقىلانعان.

24.kz