+7 (701) 759 90 19
+7 °С : نۇر-سۇلتان
+14 °С : الماتى
USD 430.39 EUR 515.52
RUB 5.68 CNY 66.03
جاڭالىقتار

فۋتزال: قازاقستان قۇراماسى كوش باسىنا شىقتى

2 ناۋرىز 22:14
:ءبولىسۋ
فۋتزال: قازاقستان قۇراماسى كوش باسىنا شىقتى

نۇر-سۇلتان. قازاقپارات - فۋتزالدان قازاقستان قۇراماسى 2022-جىلعى ەۋروپا چەمپيوناتى توپتىق ىرىكتەۋ كەزەڭىندە بۇگىن ەلوردادا بەلارۋس كومانداسىمەن كەزدەستى، دەپ حابارلايدى قازاقپارات ءتىلشىسى.

ەستەرىڭىزگە سالا كەتەلىك، قازاقستاندىق فۋتزالشىلار بەسىنشى توپقا ءتۇستى. قارسىلاستارى - ۆەنگريا، بەلارۋس جانە يزرايل قۇرامالارى.

بۇگىنگى ويىندا قازاقستاندىق فۋتزالشىلار جيناقى قيمىل كورسەتۋگە تىرىستى. كەزدەسۋ باسىنان تىزگىندى ءوز قولىنا الۋعا كۇش سالدى. شىڭعىس ەسەنامانوۆ 2-مينۋتتا مەرگەندىك تانىتىپ، الاڭ يەلەرىن العا شىعاردى. ال 8-مينۋتتا ءبىرجان ورازوۆ، 14-مينۋتتا لەو ەسەپتى ۇستەمەلەي ءتۇستى.

ەكىنشى كەزەڭدە قوس كوماندا الاڭ يەلەرى باسىمدىعىن ارتتىردى. شىڭعىس ەسەنامانوۆ 21-مينۋتتا تاعى ءبىر مارتە قاقپانى ءدال كوزدەسە، وعان 28-مينۋتتا بەلارۋستىك سەرگەي كرىكۋن ءبىر گولمەن جاۋاپ قايىردى. ال 28-مينۋتتا داۋرەن تۇرساعۇلوۆ قازاقستاندىق قۇرامانىڭ باسىمدىعىن ارتتىردى. بەلارۋس ويىنشىسى يۋري رابىكو 29-مينۋتتا ەسەپ ايىرماسىن قىسقارتتى.

كەزدەسۋدە قازاقستاندىق فۋتزالشىلار قارسىلاسىن 5:2 ەسەبىمەن تىزە بۇكتىردى.

وسىلايشا ىرىكتەۋ كەزەڭىندەگى ەكىنشى جەڭىسىنە قول جەتكىزدى. بۇل جەڭىستەن كەيىن قازاقستان قۇراماسى ءوز توبىندا التى ۇپايمەن جەكە-دارا كوش باستادى. ودان كەيىنگى ورىندارداعى ۆەنگريا مەن بەلارۋستىڭ ەنشىسىندە ءۇش-ۇشتەن ۇپايى بار. سوڭعى ورىنداعى يزرايل قۇراماسى ازىرگە ۇپاي ەنشىلەگەن جوق.

قازاقستان قۇراماسى ەندى 8 - ناۋرىزدا بۇگىنگى قارسىلاسى - بەلارۋسپەن سىرت الاڭدا تاعى ءبىر ويىن وتكىزەدى. قازاقستاندىق قۇراما العاشقى ويىندا ءوز الاڭىندا ۆەنگريادان 5:0 ەسەبىمەن باسىم ءتۇستى. ەكىنشى كەزدەسۋدى 28 - قاڭتاردا يزرايلدە وتكىزۋ جوسپارلانعان.

ايتا كەتەلىك، قازاقستاندىق فۋتزالشىلار بۇدان بۇرىن ەۋروپا چەمپيوناتى فينالدىق كەزەڭىندە ەكى مارتە باق سىنادى. 2016 , 2018-جىلداردا قولا جۇلدە الدى. ەۋروپا چەمپيوناتىنىڭ فينالدىق ساتىسى 2022-جىلدىڭ 19 - قاڭتار جانە 6 - اقپان ارالىعىندا نيدەرلاندىنىڭ امستەردام جانە گرونينگەن قالالارىندا وتكىزىلەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات