فۋتبول ويناي الماعانى ءۇشىن سىنىپتاستارىنىڭ كەلەمەجدەۋىنە ۇشىراعان جاسوسپىرىم وزىنە قول سالدى

نۇر- سۇلتان. قازاقپارات - فۋتبول ويناي الماعىنا ءۇشىن ۇنەمى سىنىپتاستارىنىڭ كەلەمەجدەۋىنە ۇشىراعان جاسوسپىرىم وزىنە قول جۇمساعان.

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ايتتى، دەپ حابارلايدى قازاقپارات ءتىلشىسى.

«كريميناليستيكا تاريحى بىرنەشە مارتە قىلمىس جاساعان قىلمىسكەرلەردىڭ باسىم بولىگى قاتارلاستارىنىڭ كەمسىتۋشىلىگىنە جانە وتباسىنداعى ناشار قارىم- قاتىناسقا ۇشىراعاندىعىن كورسەتىپ وتىر. ماسەلەن ەلىمىزدەگى مەكتەپتەردىڭ ءبىرىنىڭ 12 جاستاعى وقۋشىلارى ءوز سىنىپتاستارىنا فۋتبولدى جاقسى ويناي الماعانى الماعانى ءۇشىن ۇنەمى پسيحولوگيالىق قىسىم كورسەتكەن»، - دەدى ول.

ونىڭ اتاپ وتۋىنشە، فۋتبول كومانداسى بىرنەشە ويىندا جەڭىلگەننەن كەيىن وقۋشىلار بارلىق كىنانى سىنىپتاستارىنىڭ ناشار ويىنان اۋدارىپ كىنا تاققان.

«كەلەمەجدەۋگە ۇشىراعان بالا وزىنە قول سالىپ قايتىس بولدى. جالپى، بالالار سۋيتسيدىنىڭ 80 پايىزىندا سەبەبىن انىقتاۋ مۇمكىن ەمەس. ءبىراق، ۇنەمى، ونىڭ ىشىندە قاتارلاستارىنان دا ءجابىر كورۋمەن بايلانىستى پسيحولوگيالىق سوققىنىڭ دا ىقتيمال ەكەندىگىن ەشكىم جوققا شىعارا المايدى»، - دەدى مارات قوجايەۆ.

اۆتور: مارلان جيەمباي