+7 (701) 759 90 19
+7 °С : نۇر-سۇلتان
+14 °С : الماتى
USD 430.39 EUR 515.52
RUB 5.68 CNY 66.03
جاڭالىقتار

ەلوردا مۇعالىمدەرى ۆاكسينا سالدىرعاننان كەيىنگى جاعدايىن ايتتى

2 ناۋرىز 17:03
:ءبولىسۋ
ەلوردا مۇعالىمدەرى ۆاكسينا سالدىرعاننان كەيىنگى جاعدايىن ايتتى

نۇر- سۇلتان. قازاقپارات – 1 - ناۋرىزدان باستاپ مۇعالىمدەر مەن قۇقىق قورعاۋ ورگاندارىنىڭ قىزمەتكەرلەرى كوروناۆيرۋس ينفەكسياسىنا قارسى ۆاكسينانى سالدىرا باستادى.

ك ۆ ي- دان العاشقى ەكپەنى ەلوردالىق №27 جانە №50 مەكتەپتەردىڭ مۇعالىمدەرى الدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.


ەكپەنى العاشقىلاردىڭ ءبىرى بولىپ №27 مەكتەپ- ليتسەيىنىڭ قازاق ءتىلى مەن ادەبيەتى ءپانىنىڭ مۇعالىمى زيباگۇل قاراتايەۆا قابىلدادى. وسىعان دەيىن ول دارىگەردىڭ ءتيىستى تەكسەرىسىنەن وتكەن بولاتىن.

«مەن ۆاكسيناتسيانى ءوز ەركىممەن العىم كەلدى. بۇل ەڭ الدىمەن ءوزىڭدى جانە تۋىستارىڭدى قورعاۋ ءۇشىن قاجەت دەپ بىلەمىن. وتباسىمدا كوروناۆيرۋس ينفەكسياسىمەن اۋىرعان ەشكىم جوق جانە جۇقتىرماس ءۇشىن وسىنداي تاڭداۋ جاساپ وتىرمىن. بۇل - ءوز دەنساۋلىعىما دەگەن جاۋاپكەرشىلىك»، - دەيدى مۇعالىم.

سونىمەن قاتار، زيباگۇل قاراتايەۆا ۆاكسينا قابىلداۋدا ەشقانداي قورقىنىش جوق ەكەنىن ايتىپ ءوتتى.

«دارىگەرلەردىڭ ۆاكسينا قابىلداعانى جايلى قانشاما اقپارات تارادى، ءبارىن وقىپ وتىردىق، جاعدايدى نازاردا ۇستادىق. جاعىمسىز جاعدايلار بولعان جوق. سول سەبەپتى سەنىمدى بولدىم»، - دەپ ءتۇسىندىردى مۇعالىم.

ۆاكسينانىڭ ءبىرىنشى كومپونەنتىن №27 ورتا مەكتەپ- ليتسەيىنىڭ ديرەكتورى قانات بايسالبايەۆ تا قابىلدادى. ول ءوزىن جاقسى سەزىنەتىنىن، كەرى اسەرى بولماعانىن جەتكىزدى.


«ەگەر ءبىز ينفەكسيانىڭ تارالۋىن قالاماساق، ەكپە قابىلداۋىمىز قاجەت. ونىڭ ۇستىنە وقۋشىلار بىرتىندەپ سىنىبىنا ورالىپ جاتىر. ال ولاردىڭ اتا- انالارىمەن ءبىز كۇن سايىن كەزدەسىپ تۇرامىز. ءبىرىن ءبىرى قاتەرگە تىگۋگە بولمايدى. مەن مەكتەپ ديرەكتورى رەتىندە ەكپە الىپ، ارىپتەستەرىمە ۇلگى كورسەتۋگە بەل بۋدىم»، - دەپ اتاپ ءوتتى قانات بايسالبايەۆ.

رايىمبەك باتىر اتىنداعى №50 مەكتەپ- ليسەيىنىڭ تاريح ءپانىنىڭ مۇعالىمى سايلاۋباي شايكەنوۆ مەملەكەت ۇسىنعان تەگىن ۆاكسيناتسيادان ءوتۋدى ازاماتتىق پارىزى سانايدى.

«مەملەكەت بىزگە قامقورلىق جاساپ، ۆاكسيناتسيالاۋدى ۇسىنىپ وتىر. وتكەن جىل بۇكىل ادامزات ءۇشىن قيىن كەزەڭ بولدى. ۆيرۋستىڭ سالدارىنان قانشاما ادام قايتىس بولدى. ۆاكسينانىڭ تيىمدىلىگىنە سەنبەسەم، بۇل جەردە وتىرماس ەدىم. ءوزىمدى، وتباسىمدى جانە وقۋشىلارىمدى قاتەردەن قورعاعىم كەلەدى»، - دەيدى تاريحشى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات