+7 (701) 759 90 19
+7 °С : نۇر-سۇلتان
+14 °С : الماتى
USD 430.39 EUR 515.52
RUB 5.68 CNY 66.03
جاڭالىقتار

ۇلتتىق بانك تەڭگە باعامىنىڭ السىرەۋ سەبەبىن ءتۇسىندىردى

2 ناۋرىز 20:06
:ءبولىسۋ
ۇلتتىق بانك تەڭگە باعامىنىڭ السىرەۋ سەبەبىن ءتۇسىندىردى

الماتى. قازاقپارات- ۇلتتىق بانكتىڭ مونەتارلىق وپەراتسيالار دەپارتامەنتىنىڭ ديرەكتورى نۇرجان تۇرسىنحانوۆ ۇلتتىق ۆاليۋتانىڭ قۇلدىراۋىنا قانداي فاكتورلاردىڭ اسەر ەتكەنىن ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، 2 -ناۋرىزدا بيرجالىق ساۋدا- ساتتىقتا ۇلتتىق ۆاليۋتانىڭ ايىرباستاۋ باعامى دۇيسەنبى كۇنگى ساۋدا- ساتتىقتىڭ ورتاشا باعامىنان 2,36 تەڭگەگە السىرەپ، ءبىر دوللار 420,40- 420,80 تەڭگە ارالىعىندا ساۋدالانۋدا. وتكەن اپتانىڭ جابىلۋىنان بەرى تەڭگە 3,2 تەڭگەگە نەمەسە % 0,8- عا السىرەدى.

«ۇلتتىق ۆاليۋتانىڭ السىرەۋى ءۇش باسىم فاكتورعا: وپەك+ وتىرىسى قارساڭىندا مۇنايعا باعا بەلگىلەۋدىڭ قۇلدىراۋىنا، الەمدىك نارىقتاردا ا ق ش دوللارىنىڭ نىعايۋىنا جانە قازاقستانداعى سالىق تولەمدەرى كەزەڭىنىڭ اياقتالۋىنا بايلانىستى بولدى. اپتانىڭ باسىنان باستاپ مۇنايدىڭ باعاسى وتكەن اپتادا قول جەتكىزگەن ەڭ جوعارى كورسەتكىشتەردەن اۋىتقىپ، % 5,1- عا تومەندەدى.

كوروناۆيرۋسقا قارسى ۆاكسينالاۋدىڭ ىلگەرىلەۋى، ساۋد ارابياسى تاراپىنان مۇناي ءوندىرۋدى ساۋىرگە دەيىن كۇنىنە 1 ميلليون باررەلگە ەرىكتى تۇردە قىسقارتۋ، سونداي- اق ا ق ش- تا بۇرىن- سوڭدى بولماعان ايازعا بايلانىستى مۇناي ءوندىرۋدى ءماجبۇرلى تۇردە توقتاتا تۇرۋ جىل باسىنان بەرى مۇناي باعاسىنىڭ ءوسۋىن قولداعانىن ەستەرىڭىزگە سالا كەتەيىك»، - دەدى نۇرجان تۇرسىنحانوۆ.

ونىڭ پىكىرىنشە، مۇناي نارىعىنداعى قازىرگى جاعداي الداعى ۋاقىتتاعى وپەك+ وتىرىسىنا قاتىستى الاڭداۋشىلىقتىڭ ارتۋىنا بايلانىستى. مۇناي ءوندىرۋ بويىنشا قازىرگى شەكتەۋلەردى ءبىرشاما جەڭىلدەتۋ تۋرالى شەشىم قابىلدانادى دەپ كۇتىلۋدە. ساراپشىلار كواليتسيا مۇناي ءوندىرۋدى كۇنىنە شامامەن 0,5 ميلليون باررەلگە ۇلعايتادى دەپ بولجايدى، ال ساۋد ارابيا تاراپىنان ەرىكتى شەكتەۋلەردى جالعاستىرۋ ەكىتالاي.

كوكتەمنىڭ العاشقى كۇنىندە ا ق ش پەن ەۋروپانىڭ قور بيرجالارى ايتارلىقتاي پايدامەن جابىلدى. سەنبى كۇنى ا ق ش وكىلدەر پالاتاسى ەكونوميكاعا 1,9 تريلليون دوللارعا كومەك شارالارىنىڭ توپتاماسىن بەكىتتى. پرەزيدەنت بايدەن دەمالىس كۇندەرى سەناتتى تەز ارەكەت ەتۋگە شاقىردى. پايىزدىق مولشەرلەمەلەردىڭ كوتەرىلۋىنە قاتىستى ينۆەستورلاردىڭ الاڭداۋشىلىعىن باسەڭدەتىپ، ءبىر اپتاعا سوزىلعان امەريكا مەملەكەتتىك وبليگاتسيالارىنىڭ كىرىستىلىك ءرالليى توقتادى. وسىعان بايلانىستى DXY دوللار يندەكسى 90,1-دەن 91,2-گە دەيىن نەمەسە % 1,2- عا ءوستى.

«سونىمەن قاتار، وتكەن اپتادا قازاقستاندا شەتەل ۆاليۋتاسىن ساتۋدىڭ نەعۇرلىم جوعارى كولەمىن بولجايتىن جانە تيىسىنشە ۇلتتىق ۆاليۋتانىڭ نىعايۋىنا ىقپال ەتەتىن كەزەكتى سالىق كەزەڭى اياقتالعانىن اتاپ وتكەن ءجون»، - دەيدى ۇلتتىق بانك وكىلى.

اۆتور: الما مۇقانوۆا



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات