بىشكەكتە ابايدىڭ ەسكەرتكىشى اشىلادى

None
None
نۇر-سۇلتان. قازاقپارات - قازاقستان استاناسى نۇر-سۇلتاندا ماناس پەن شىڭعىس ايتماتوۆتىڭ، بىشكەكتە اباي ەسكەرتكىشتەرى اشىلادى.

بۇل تۋرالى قازاقستان مەن قىرعىزستان پرەزيدەنتتەرىنىڭ بىرلەسكەن مالىمدەمەسىنەن بەلگىلى بولدى.

اتالمىش قۇجاتتا قوس حالىقتىڭ مادەني- تاريحي جانە تىلدىك ورتاقتىعىن ەسكەرىپ، عىلىم، ءبىلىم بەرۋ، دەنساۋلىق ساقتاۋ، مادەنيەت، تۋريزم، سپورت جانە باسقا دا سالالارداعى ىنتىماقتاستىقتى ودان ءارى دامىتۋعا بەيىلدىلىگىن راستايتىندىعى ايتىلعان. وسى ورايدا تاراپتار بىرلەسكەن ءبىلىم بەرۋ جانە عىلىمي-تەحنيكالىق باعدارلامالاردى ىسكە اسىرۋدى جالعاستىرۋعا نيەتتى ەكەندىكتەرىن ايتتى.

قازاقستان رەسپۋبليكاسى مەن قىرعىز رەسپۋبليكاسىنىڭ تاۋەلسىزدىكتەرىنىڭ 30 جىلدىعىن مەرەكەلەۋگە ورايلاستىرىلعان الداعى مەرەيتوي ءىس-شارالارىنىڭ ماڭىزدىلىعىن اتاپ وتەدى.

سونداي- اق مالىمدەمەدە تاراپتارىڭ بىرلەسكەن تەلەۆيزيالىق جوبالار، كورمەلەر، فەستيۆالدەر جانە وزگە دە مادەني ءىس-شارالار وتكىزۋ تۇرعىسىنان جاردەم كورسەتۋگە، ورتاق تاريحي جانە مادەني مۇرانى ساقتاۋ مەن ىلگەرىلەتۋ ماقساتىندا كۇش- جىگەر بىرىكتىرۋگە ازىرلىگى ءسوز بولدى.

«جۋىق ارادا اباي قۇنانبايەۆتىڭ بىشكەكتە، سونداي-اق، ماناس پەن شىڭعىس ايتماتوۆتىڭ نۇر-سۇلتاندا ەسكەرتكىشتەرىن ورناتۋ تۋرالى ۋاعدالاستىقتاردىڭ ەرەكشە مانگە يە ەكەنىن ايرىقشا بەلگىلەپ وتەدى. تاراپتار تابىستى كەلىسسوزدەر مەن ساپار بارىسىندا قول قويىلعان ەكىجاقتى قۇجاتتار قازاقستان رەسپۋبليكاسى مەن قىرعىز رەسپۋبليكاسى اراسىنداعى دوستىق جانە وداقتاستىق قاتىناستاردى ودان ءارى نىعايتۋعا ىقپال ەتەتىنىن، سونداي-اق، قول جەتكىزىلگەن ۋاعدالاستىقتاردى ويداعىداي ىسكە اسىرۋعا ەرەكشە ءمان بەرەدى»، - دەلىنگەن حابارلامادا.

سوڭعى جاڭالىقتار