ۇياتتى قىلىق كورسەتتى دەپ وسىمەن ءۇشىنشى ايەل نيۋ-يورك گۋبەرناتورىن ايىپتادى

None
None
نۇر-سۇلتان. قازاقپارات - نيۋ-يورك شتاتىنىڭ گۋبەرناتورى ەندريۋ كۋومونى ۇياتتى ارەكەت جاساعانى ءۇشىن تاعى ءبىر ايەل ايىپتادى.

بۇل تۋرالى قازاقپارات The New York Times گازەتىنە سىلتەمە جاساپ حابارلايدى.

باسىلىم 33 جاستاعى اننا رۋحتىڭ ءسوزىن جازعان.

ونداعى مالىمەتكە ساي، وقيعا 2019 -جىلدىڭ قىركۇيەك ايىندا، ونىڭ دوستارىنىڭ ۇيلەنۋ تويىندا ورىن العان. بۇل تويدا كۋومو دا بولعان. ايەلدىڭ ايتۋىنشا، نيۋ-يورك گۋبەرناتورى ونىڭ قاسىنا كەلىپ، ءبىر-ەكى اۋىز ءسوز ايتىپ، بەلىنەن قۇشاقتاعان. ايەلدىڭ قارسىلىق تانىتقانىنا قاراماستان، كۋومو ونىڭ بەتىنە قولىن قويىپ، ەرنىنەن سۇيمەك بولدى. رۋح گۋبەرناتوردىڭ بۇل ارەكەتىنەن ءوزىن ىڭعايسىز سەزىنگەنىن ايتقان.

The New York Times-تىڭ جازۋىنشا، كۋومونىڭ كەلىسپەيتىن قىلىق تانىتقانىن رۋحتىڭ سول كۇنى ءوز دوستارىنا جىبەرگەن حابارلامالارى راستاپ وتىر. بۇعان دەيىن كۋومونىڭ بۇرىن قاراماعىندا جۇمىس ىستەگەن ەكى قىزمەتكەر شارلوتتا بەننەت پەن ليندسي بويلان باسشىسى قىرىنداعانىن جاريالادى.

بەننەت كۋوموعا قاتىستى ايىبىن سەنبى كۇنى ايتسا، بويلان بۇل تۋرالى 2020 -جىلدىڭ جەلتوقسانىندا ايتقان بولاتىن. گۋبەرناتور بولسا، ەكى وقيعاعا قاتىسىن جوققا شىعارىپ وتىر. بۇل نيۋ-يورك گۋبەرناتورىنىڭ قاتىسۋىمەن بولعان ءبىرىنشى جانجال ەمەس. بۇعان دەيىن ا ق ش-تىڭ فەدەرالدىق بيلىگى مەن نيۋ-يوركتىڭ برۋكلين اۋدانىنىڭ پروكۋراتۋراسى بىلتىر كوكتەمدە جانە جازدا قارتتار ۇيىندە كوروناۆيرۋسقا شالدىعۋ سالدارىنان قايتىس بولعان ادامدار سانىن جاسىرۋ كۇدىگىنە ىلىنگەن كۋومو اكىمشىلىگىنە قاتىستى تەرگەۋ امالدارىن باستاعان ەدى.

اۆتور: زارينا تۋعانبايەۆا

سوڭعى جاڭالىقتار