تۇركىستاندا سالىنىپ جاتقان قۇرىلىستارعا ويۋ- ورنەكتەر قولدانىلادى
ءوڭىر باسشىسىنىڭ قاتاڭ قاداعالاۋىمەن جۇرگىزىلىپ جاتقان مادەني - رۋحاني ورتالىقتاعى حالىقارالىق دەڭگەيدەگى نىساندار الەم تۋريستەرىن قىزىقتىراتىن ءارى تاريحتان سىر شەرتەتىن عاجاپ ورتالىققا اينالۋدا. تۋريزم سالاسىن دامىتۋدا جان- جاقتى جوبالار جۇزەگە اسىپ جاتقان شاھاردا يۋنەسكو- نىڭ قورعالۋ ايماعىنداعى عيماراتتار سالىنىپ، ولار قوجا احمەت ياساۋي كەسەنەسىنىڭ بيىكتىگىنەن اسپاۋدا.
بۇل اۋماقتاعى عيماراتتار مەن باسپانالار ورتاازيالىق ۇلگىدە بوي كوتەرۋدە. ساۋلەتتەرى كەلىسكەن عيماراتتار قازاقى ناقىشتا، ويۋ- ورنەكتەر قولدانىلادى. وسىلايشا وبلىس ورتالىعىندا ەرەكشە كورىك بەرەتىن اۋقىمدى جوبالاردىڭ قۇرىلىسى جالعاسۋدا.
سولاردىڭ ءبىرى دە بىرەگەيى - «كەرۋەن- ساراي» كەشەنى. جوسپار بويىنشا بۇل كەشەن كونە زاماننىڭ ەجەلگى ساۋدا الاڭدارىن ەسكە تۇسىرەتىن ۇلكەن شىعىس ۇلگىسىندەگى گراند- بازارعا اينالادى. «كەرۋەن- ساراي» اۋماعىندا قوناقۇيلەر، كينوتەاترلار، مەيرامحانالار، تاريحي- ساۋدا كوشەسى مەن جاساندى كولمەن قاتار، كەشەنگە جاقىن جەردە «كەرۋەن ساراي» تۇرعىن ءۇي كەشەنى ورنالاسپاق. تۇركىستانىڭ جاڭا كورىكتى اۋماعىنداعى قۇرىلىس بارىسىن وبلىس اكىمى ءومىرزاق شوكەيەۆ ارالاپ كورىپ، قۇرىلىسشىلارمەن كەزدەستى. ايماق باسشىسى جاۋاپتى تۇلعالارعا دەمالىس ورىندارىنداعى بالالار الاڭقايلارىنىڭ ساپاسى مەن قاۋىپسىزدىگىن ءجىتى قاداعالاۋدى جۇكتەدى.