قار، جاۋىن، جەل - سەيسەنبىگە ارنالعان اۋا رايى بولجامى

نۇر- سۇلتان. قازاقپارات - قازگيدرومەت 2-ناۋرىزعا ارنالعان اۋا رايى بولجامىن جاريالايدى، دەپ حابارلايدى قازاقپارات.

سولتۇستىك- باتىس سيكلونىمەن بايلانىسقان اتموسفەرالىق اۋا اعىنى اسەرىنەن ەلىمىزدىڭ باسىم بولىگىندە قار مەن جاڭبىر جاۋادى، كەي جەرلەرىندە تۇمان، كوكتايعاق، بۇرقاسىن، جەلدىڭ كۇشەيۋى كۇتىلەدى.

اقمولا، قاراعاندى، شىعىس قازاقستان وبلىستارىنىڭ كەي جەرلەرىندە جاياۋ بۇرقاسىن، جەلدىڭ 15-20 م/س كۇشەيۋى، تۇمان، كوكتايعاق بولادى. جامبىل، تۇركىستان وبلىستارىنىڭ كەي جەرلەرىندە تۇمان، جەلدىڭ 15-20 م/س كۇشەيۋى كۇتىلەدى.

ماڭعىستاۋ، اتىراۋ، باتىس قازاقستان وبلىستارىنىڭ كەي جەرلەرىندە تۇمان، كوكتايعاق، كۇندىز باتىر قازاقستان وبلىسىندا جەلدىڭ جىلدامدىعى 15-20 م/س جەتەدى.

قوستاناي، قىزىلوردا، سولتۇستىك قازاقستان وبلىستارىنىڭ كەي جەرلەرىندە تۇمان كۇتىلەدى. الماتى وبلىسىنىڭ جالاناشكول اۋدانىندا جەل 18-23 م/س كۇشەيەدى.