«اۋىلىم - التىن تۇعىرىم» شىعارمالار كونكۋرسى باستالدى

None
None
نۇر- سۇلتان. قازاقپارات - «اۋىل» حالىقتىق- دەموكراتيالىق پاتريوتتىق پارتياسى مەن «مادەنيەت پورتالى» بىرلەسىپ «اۋىلىم - التىن تۇعىرىم» ءداستۇرلى ادەبي ونلاين كونكۋرسىن جاريالايدى، دەپ حابارلايدى قازاقپارات.

كونكۋرسقا 17-45 جاس ارالىعىنداعى قالامگەرلەر ءوز شىعارمالارىن ۇسىنا الادى. ال «اۋىل تاقىرىبىنا ارنالعان ۇزدىك دراماتۋرگيا» اتالىمىنا شىعارما ۇسىناتىن قالامگەرلەردىڭ جاس مولشەرىنە شەكتەۋ قويىلمايدى.

«ادەبي بايقاۋعا قاتىسقىسى كەلەتىن كەز كەلگەن قالامگەر ءوز شىعارماسىن «مادەنيەت پورتالىنا» ونلاين تىركەۋ مۇمكىندىگى قاراستىرىلعان. ول ءۇشىن ۇمىتكەرلەر تىركەلىپ، كونكۋرسقا ۇسىنىلعان شىعارمالارى مەن جەكە مالىمەتىن پورتالدا كورسەتىلگەن «شىعارمانى قوسۋ» باتىرماسى ارقىلى ورنالاستىرا الادى. شىعارمالار ونلاين تۇردە 2021 -جىلدىڭ 1 -قاراشاسىنا دەيىن جىبەرىلۋى ءتيىس»، - دەپ حابارلادى مادەنيەت پورتالى.

بيىلعى «اۋىلىم - التىن تۇعىرىم» بايقاۋىنىڭ ەرەكشەلىگى - ورىس تىلىندە جازىلعان شىعارمالار دا قابىلدانادى. ءبىر ايتا كەلەرلىگى، بارلىق شىعارمالار بۇعان دەيىن باسقا كونكۋرستارعا ۇسىنىلماۋى كەرەك.

«تاۋەلسىزدىكتىڭ 30 جىلدىعىنا وراي «التىن تۇعىر» ادەبي جۇلدەسىنىڭ يەگەرىنە قوسىمشا 200000 تەڭگە كولەمىندە اقشالاي سىيلىق بەرىلەدى. كونكۋرسقا قاتىسقان شىعارمالار كىتاپ بولىپ شىعارىلادى. كونكۋرستىڭ باسقا دا شارتتارىن «مادەنيەت پورتالىنداعى» ەرەجەسىنەن وقۋعا بولادى. جەڭىمپازداردى ماراپاتتاۋ 2021 -جىلى جەلتوقسان ايىندا تاۋەلسىزدىك كۇنى قارساڭىندا وتەدى. سالتاناتتى شارانىڭ ناقتى ۋاقىتى مەن وتەتىن ورنى قوسىمشا حابارلانادى»، - دەيدى پورتال.

ەسكە سالا كەتسەك، بيىل «اۋىلىم - التىن تۇعىرىم» ادەبي كونكۋرسىنا «بالالارعا ارنالعان ەڭ ۇزدىك ادەبي شىعارما» نوميناتسياسى قوسىلدى.

سوڭعى جاڭالىقتار