07:27, 02 - ناۋرىز 2021 | GMT +6
ارىستا وق- دارىلەردى جويۋ جۇمىستارى قايتا جالعاستى
نۇر-سۇلتان. قازاقپارات - تاجىريبەلى مامانداردان جاساقتالعان ينجەنەرلىك- ساپەرلىك توپ بۇگىن ىسكە كىرىستى، دەپ حابارلايدى «حابار 24».
اسكەريلەر ارنايى تەحنيكا جانە قۇرالدارمەن تولىق جابدىقتالعان. دالالىق گوسپيتال اشىلدى. اۋىلشارۋاشىلىق جۇمىستارىنىڭ جاندانۋىنا بايلانىستى ەگىس القابى مەن جايىلىمدىق جەرلەر تەكسەرىلەدى. تابىلعان زاتتار پوليگونعا جەتكىزىلىپ جويىلادى. ايتا كەتەيىك، كۇن سۋىپ، توڭ قاتقان سوڭ ايماقتا ساپەرلەردىڭ جۇمىسى ۋاقىتشا توقتاتىلعان بولاتىن. الايدا قويما اۋماعىن تازارتۋ، جارىقشاقتاردى جيناۋ جانە سۇرىپتاۋ جۇمىستارى جالعاسىپ كەلدى.