+7 (701) 759 90 19
+7 °С : نۇر-سۇلتان
+14 °С : الماتى
USD 430.26 EUR 515.32
RUB 5.61 CNY 65.99
جاڭالىقتار

س ق و- دا بالالار ويىن- ساۋىق ورتالىقتارى مەن اكۆاپاركتىڭ جۇمىسىنا رۇقسات بەرىلدى

1 ناۋرىز 22:27
:ءبولىسۋ
س ق و- دا بالالار ويىن- ساۋىق ورتالىقتارى مەن اكۆاپاركتىڭ جۇمىسىنا رۇقسات بەرىلدى

پەتروپاۆل. قازاقپارات - سولتۇستىك قازاقستان وبلىسىندا باس مەملەكەتتىك سانيتار دارىگەردىڭ قاۋلىسىمەن 1- ناۋرىزدان باستاپ كارانتين شەكتەۋلەرى جەڭىلدەدى، دەپ حابارلايدى قازاقپارات ءتىلشىسى.

س ق و باس مەملەكەتتىك سانيتار دارىگەردىڭ جاڭا قاۋلىسىنا سايكەس وتباسىلىق ءىس- شارالاردى وتكىزۋگە تىيىم ساقتالىپ قالدى. جەرلەۋ راسىمدەرىنە نەگىزىنەن وتباسى مۇشەلەرىنىڭ عانا قاتىسۋىنا رۇقسات. قوعامدىق ورىنداردا ارا قاشىقتىقتى ساقتاپ، ماسكا كيۋ مىندەتى دە قالدى. سونداي- اق اسەرلى ءىس- شارالاردى وتكىزۋگە، كورمەلەر، فورۋمدار، كونفەرەنتسيالار، سونداي- اق وتباسىلىق، ەسكە الۋ شارالارىن، بانكەتتەر، ۇيلەنۋ تويلارى، مەرەيتويلاردى جانە باسقا دا كوپتەگەن ادامدار جينالاتىن ءىس- شارالاردى وتكىزۋگە تىيىم سالىنعان.

كاراوكە، كومپيۋتەرلىك كلۋبتار، تۇنگى كلۋبتار، بوۋلينگ ورتالىقتارى، بۋكمەكەرلىك كەڭسەلەر، كاليان- بارلاردىڭ دا قىزمەتى ۋاقىتشا توقتاتىلعان.

سانيتاريالىق تالاپتاردى ساقتاي وتىرا، ادام سانىن اسىرماي ءدىني نىساندار، كىتاپحانا، مۇراجايلار، مەديتسينالىق ورتالىقتار، كوسمەتولوگيالىق قىزمەتتەر كورسەتەتىن سۇلۋلىق سالوندارى، شاشتارازدار، ءبىلىم بەرۋ، ۇيىرمەلەر، فيتنەس زالدارى، باسسەيندەر، جاتتىعۋ زالدارى، قوعامدىق مونشالار، ساۋنالار جۇمىس ىستەي الادى.

ساۋدا، ويىن- ساۋىق، ساۋىقتىرۋ ورتالىقتارى، ساۋدا ۇيلەرى، قوعامدىق تاماقتانۋ ورىندارى، ءتۇرلى بازارلار دا سانيتاريالىق تالاپتاردى ورىنداي وتىرا جۇمىس ىستەيدى. قوعامدىق كولىكتىڭ قىزمەتىنە، قاتاڭ شەكتەۋ شارالارى مەن كارانتين ەنگىزىلگەن ەلدى مەكەندەردى قوسپاعاندا، جولاۋشىلار تاسىمالىنا قالاارالىق/وبلىسارالىق تۇراقتى اۆتوبۋستاردىڭ جۇرۋىنە رۇقسات بەرىلدى. قوناق ۇيلەر، وتەلدەر، كۋرورتتىق ۇيىمدار، دەمالىس ۇيلەرى- ورتالىقتار، تۋريستىك ورتالىقتاردىڭ جانە تەاترلاردىڭ، كينوتەاترلاردىڭ، كونتسەرت زالداردىڭ قىزمەتىنە رۇقسات بەرىلدى.

سونداي- اق 1-5 سىنىپ وقۋشىلارى دا شتاتتىق رەجيمدە ءبىلىم الماق، ال كوللەدجدەر مەن جوعارى وقۋ ورىندارىنىڭ ءبىرىنشى كۋرس ستۋدەنتتەرى ءۇشىن ەكىنشى سەمەستردەن كۇندىز وقۋعا رۇقسات بەرىلدى. بۇدان بىلاي تولىمدىعى %30 دان اسپايتىن بيليارد زالدارىنىڭ، 50 ادامنان اسپايتىن بالالار ويىن- ساۋىق ورتالىقتارىنىڭ، ويىن الاڭدارى، جابىق بولمەلەردەگى اتتراكتسيونداردىڭ جانە اكۆاپاركتىڭ جۇمىسىنا رۇقسات ەتىلدى. ۇلتتىق قۇرامالار، كلۋب كوماندالارى ءۇشىن سپورتتىق جاتتىعۋلارعا رۇقسات بار. كۇشەيتىلگەن سانيتاريالىق- دەزينفەكتسيالىق رەجيمدى ساقتاي وتىرىپ، ءبىر ۋاقىتتا 30 ادامنان اسپايتىن وبلىستىق كوماندالاردى دايىنداۋ ءۇشىن وقۋ- جاتتىعۋ جيىندارىن قايتا باستاۋعا جانە كورەرمەندەردىڭ ورىن سانىن %20 عا عانا تولتىرىپ، سپورتتىق ءىس- شارالاردى وتكىزۋگە رۇقسات بەرىلدى.

جۇمىس ىستەۋگە رۇقسات بەرىلگەن نىسانداردىڭ ىشىندە: حالىققا بايلانىسسىز قىزمەت كورسەتۋگە ارنالعان نىساندار (كولىك جۋۋ، اۆتوموبيلدەردى، تۇرمىستىق تەحنيكانى، ساعاتتاردى، تەلەفونداردى، كومپيۋتەرلەردى، اياق كيىمدەردى جوندەۋ، تىگىن اتەلەلەرى، كىر جۋاتىن ورىندار، حيميالىق تازالاۋ، كىلتتەر جاساۋ) ، بيزنەس- ورتالىقتار (ساقتاندىرۋ كومپانيالارى، ادۆوكات، نوتاريۋس، بۋحگالتەرلىك جانە كونسۋلتاتسيالىق قىزمەتتەر، جىلجىمايتىن مۇلىك اگەنتتىكتەرى، جارناما اگەنتتىكتەرى، سوت ورىنداۋشىلارى) ، ايىرباستاۋ پۋنكتتەرى، لومباردتار بار.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات