الماتىدا كوروناۆيرۋسپەن كۇرەسكەن دارىگەرلەردىڭ قۇرمەتىنە ەسكەرتكىش اشىلادى
باقىتجان ساعىنتايەۆ Instagram پاراقشاسىندا ەسكەرتكىش مەديتسينا قىزمەتكەرلەرىنە دەگەن العىستىڭ سيمۆولىنا اينالاتىنىن اتاپ ءوتتى.
«بۇگىن الماتىنىڭ مەديتسينا مەن جازۋشىلار قاۋىمداستىعىنىڭ وكىلدەرىمەن دارىگەرلەرگە ارنالعان ەسكەرتكىشتىڭ نەگىزىنە تاس ورناتتىق. ەسكەرتكىش ك ۆ ي پاندەمياسىمەن كۇرەسكەن بارلىق مەديتسينا قىزمەتكەرلەرىنە كورسەتىلگەن قۇرمەت پەن العىستىڭ بەلگىسى. سونداي- اق ولاردىڭ قۇرمەتىنە قاراعاي اللەياسى وتىرعىزىلدى» دەپ جازدى الماتى اكىمى ب. ساعىنتايەۆ.
ەسكەرتكىش س. د. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ جانىنداعى اللەيادا اشىلادى. مۇندا 20 قاراعاي كوشەتى وتىرعىزىلدى. قازاقستان جازۋشىلار وداعىنىڭ ءتوراعاسى ۇ. ەسداۋلەت، الماتىداعى ق ح ا- سى قوعامدىق كەلىسىم كەڭەسىنىڭ ءتوراعاسى ا. شاردينوۆ، اقىن ا. ەلگەزەك، №7 قالالىق كلينيكالىق اۋرۋحانانىڭ دارىگەرى ج. شەريازدان ەسكەرتكىشتىڭ اشىلۋىن قولداپ ءسوز سويلەدى.