اۋىلعا باراتىن جاس دارىگەرلەرگە كوتەرمەلەۋ جاردەماقىسى ارتادى
بۇل تۋرالى بۇگىن ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«مەديتسينا ۇيىمدارىن بىلىكتى كادرلىق رەسۋرستارمەن جيناقتاۋ ءۇشىن ءبىز كەلەسى ءىس- شارالاردى كوزدەپ وتىرمىز. مەدتسينا قىزمەتكەرلەرىنىڭ جالاقىسىن كەزەڭ-كەزەڭمەن ارتتىرۋ ارقىلى 2023 -جىلعا قاراي ەكونوميكاداعى ورتاشا جالاقىدان ەكى ەسە اسىپ تۇسەتىن دەڭگەيگە جەتىزۋ جوسپارلانعان»، - دەدى الەكسەي سوي دەنساۋلىق ساقتاۋ مينيسترلىگىنىڭ كەڭەيتىلگەن القا وتىرىسىندا.
سونمەن قاتار ول اۋىلدىق جەرلەرگە جۇمىس ىستەۋگە بارعان جاسا ماماندارعا بەرىلەتىن كوتەرمەلەۋ جاردەماقى مولشەرى 70 ايلىق ەسەپتىك كورسەتكىشتەن 100 ا ە ك-كە دەيىن ارتتىرىلاتىندىعىن اتاپ ءوتتى.
«بۇعان قوسا، ءبىز 2030 -جىلعا دەيىن مەديتسينالىق كادرلارمەن قامتىلۋدى بولجاۋ مودەلىن ەنگىزۋدى كوزدەپ وتىرمىز»، - دەدى مينيستر.