قازاقستاندا «شىن جۇرەكتەن» اتتى العىس ءبىلدىرۋ سايتى ىسكە قوسىلدى
ەلىمىزدىڭ تۇرعىندارى العىس بىلدىرگىسى كەلەتىن ادامدارىنا «راقمەتىن» جەتكىزە الادى. ول ءۇشىن سايتقا كىرىپ، العىس جىبەرۋ جەتكىلىكتى. جىلى سوزدەردى كەز كەلگەن ادامعا: اتا- انا، العاشقى ءمۇعالىم، دارىگەر نەمەسە بەيتانىس ادامدارعا دا ارناۋعا بولادى.
جوبا جەتەكشىسى Black مەن White Production كومپانياسىنىڭ اتقارۋشى پروديۋسەرى ادينا حاماردىڭ ايتۋىنشا، «راقمەت» دەپ ايتۋ قيىن نارسە ەمەس، ونى ەستىگەن ادامنىڭ دا قۋانىپ قالاتىنى ءسوزسىز.
«ءبىز قازىر پاندەميا تۋدىرعان، قيىندىقتار مەن شەكتەۋلەر اسەر ەتىپ جاتقان ەرەكشە ۋاقىتتى باستان وتكەرىپ جاتىرمىز. ءبىزدىڭ جوبانىڭ ماقساتى - ادامداردى وسىنداي كۇردەلى كەزەڭدە بىرەۋگە شىن جۇرەكتەن العىس ايتىپ، ريزاشىلىق بىلدىرۋگە شاقىرۋ»، - دەيدى پروديۋسەر.
جوبا اۆتورلارى قازىر ءبىز جاقسى جاڭالىقتاردان گورى جاعىمسىز جاڭالىقتاردى ءجيى ەستيمىز دەگەندى العا تارتادى. ءبىزدىڭ اينالامىزدا كوبىنەسە ىزالى جانە قاتىگەز ادامدار ءومىر سۇرەتىن سياقتى. ءبىراق مەيىرىمدىلىك، جاقسىلىق جاساۋ، ماحاببات سەزىمدەرى قايدا قالدى؟ ارينە، بۇل قاسيەتتەر جوعالىپ كەتكەن جوق، تەك ولار تۋرالى ادامدار قازىر از ايتادى.
«سوندىقتان ءوز وقيعالارىمىزبەن ءبولىسىپ، اينالامىزدا قانشا قامقور ادام بار ەكەنىن كورەيىك!»، - دەيدى ادينا حامار.