قازاقستانعا ەتنيكالىق قازاقتار مىنگەن ارنايى پويىز كەلدى - ۆيدەو
قانداستاردى «بولاشاق» ستانتسياسىندا، قازاقستان- تۇركمەنستان شەكاراسىندا قارسى الدى. پ ت ر- تەست ناتيجەلەرىن جانە بارلىق قاجەتتى قۇجاتتاردى تەكسەرگەننەن كەيىن جولاۋشىلار جاڭاوزەن ستانسياسىنا، سودان كەيىن ماڭعىستاۋ ستانسياسىنا كەلگەن ارنايى پويىزعا وتىردى.
ولاردىڭ باسىم بولىگى ماڭعىستاۋ وبلىسىنداعى تۋىستارىنا قونىستاندى، ال كەيبىرەۋلەرى ودان ءارى جامبىل، اقتوبە وبلىستارىنا، الماتى مەن شىمكەنتكە جول تارتتى:
- اقتاۋدا - 42 ادام؛
- مۇنايلى اۋدانىنا - 58 ادام؛
- ءتۇپقاراعان اۋدانىنا - 11 ادام؛
- جاڭاوزەن قالاسىندا - 18 ادام؛
- جامبىل وبلىسىندا - 9 ادام؛
- الماتىدا - 11 ادام؛
- اقتوبە وبلىسىنا - 1 ادام؛
- شىمكەنتكە - 2 ادام كەلدى.
جەرگىلىكتى اتقارۋشى ورگاندار قانداستاردى وزدەرى تاڭداعان وڭىرگە جىبەرۋگە دايىن ەكەندىكتەرىن مالىمدەدى.
2020 -جىلى دۇنيەجۇزىلىك پاندەمياعا بايلانىستى باسقا مەملەكەتتەردەن ءبىزدىڭ رەسپۋبليكامىزعا ازاماتتاردىڭ كىرۋى توقتاتىلدى. سوندىقتان كوشۋدى جوسپارلاعان ادامدار قازاقستانعا كىرە المادى، دەپ اتاپ ءوتتى ماڭعىستاۋ وبلىسى اكىمىنىڭ باسپا ءسوز قىزمەتى.