ەلوردادا مۇعالىمدەر مەن پوليتسيا قىزمەتكەرلەرىن ۆاكسينالاۋ باستالدى

نۇر-سۇلتان. قازاقپارات - 1- ناۋرىزدان باستاپ نۇر-سۇلتاندا كوروناۆيرۋسقا قارسى ەكپەنى مۇعالىمدەر، بالاباقشا تاربيەشىلەرى، قۇقىق قورعاۋ ورگاندارىنىڭ قىزمەتكەرلەرى الادى، دەپ حابارلايدى قازاقپارات ءتىلشىسى.

قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، بۇل توپقا 15 مىڭنان استام ادام كىرەدى. وسى ساناتتاعى ادامداردى ۆاكسينالاۋ ءۇشىن نۇر-سۇلتاندا 36 العاشقى مەديتسينالىق-سانيتارلىق كومەك ۇيىمدارىندا ەكپە ەگۋ بولمەلەرى ۇيىمداستىرىلدى. سونداي-اق ەكپە سالدىرتۋعا ۆەدومستۆوارالىق ۇيىمدار دا قاتىسادى.

«مۇعالىمدەر مەن تاربيەشىلەرگە ۆاكسينالاۋ امسك ۇيىمدارىنا ءبىلىم بەرۋ ۇيىمى بەكىتىلگەن جەرى بويىنشا جاسالادى. ۆاكسينا الاتىنداردىڭ تىزىمدەرى جاسالدى، ءتيىستى ەمحانالارعا جىبەرىلدى»، - دەپ اتاپ وتەدى باسقارمادان.

ايتا كەتەيىك، 1-اقپاننان باستاپ نۇر- سۇلتاندا بارلىعى 2126 ادام كوروناۆيرۋسقا قارسى ەكپە الدى. وتكەن دەمالىس كۇندەرى باسقارمانىڭ قويمالارىنا 7 مىڭنان استام ۆاكسينانىڭ جاڭا دوزاسى ءتۇستى.