اسقار مامين: بەرەكە- بىرلىكتىڭ ارقاسىندا العا قويعان ماقساتتارىمىزعا جەتتىك
ق ر پرەمەر-ءمينيسترى اسقار مامين قازاقستاندىقتاردى 1- ناۋرىز - العىس ايتۋ كۇنىمەن قۇتتىقتادى.
«قىمباتتى وتانداستار، بارشاڭىزدى 1- ناۋرىز - العىس ايتۋ كۇنىمەن قۇتتىقتايمىن! تۇڭعىش پرەزيدەنت - ەلباسى نۇرسۇلتان ءابىش ۇلى نازاربايەۆ بەلگىلەگەن بۇل مەرەكە ءوزارا سەنىم مەن ىزگىلىكتىڭ، مەيىرىمدىلىكتىڭ، سونداي-اق كوپۇلتتى قازاقستان حالقىنىڭ ورتاق تاريحي مۇراسىنىڭ سيمۆولىنا اينالدى. ءبىز بارلىق كەزدە بەرەكە-بىرلىكتىڭ ارقاسىندا كەز كەلگەن سىناقتان سۇرىنبەي ءوتىپ، العا قويعان ماقساتتارىمىزعا قول جەتكىزە الدىق. قازاقستاندىقتاردىڭ قاستەرلى قۇندىلىقتارى - اۋىزبىرشىلىك، تولەرانتتىلىق پەن ءوزارا تۇسىنىستىك الداعى ۋاقىتتا دا ءبىزدىڭ ورتاق شاڭىراعىمىز - قازاقستان رەسپۋبليكاسىن ودان ءارى دامىتۋدا مىزعىماس تىرەگىمىز بولىپ قالا بەرەدى دەپ سەنەمىن. قازاقستانداعى تاتۋلىق پەن كەلىسىم ءۇشىن، سونداي-اق وتانىمىزدىڭ ءوسىپ-وركەندەۋى جولىنداعى ادال ەڭبەكتەرىڭىز ءۇشىن شىنايى العىس ايتامىن! بارلىق قازاقستاندىقتارعا، ءار وتباسىنا زور دەنساۋلىق جانە اماندىق تىلەيمىن!»، - دەلىنگەن قۇتتىقتاۋدا.