+7 (701) 759 90 19
+7 °С : نۇر-سۇلتان
+14 °С : الماتى
USD 433.15 EUR 515.06
RUB 5.61 CNY 66.06
جاڭالىقتار

قازاقستاندا بۇگىن - العىس ايتۋ كۇنى

1 ناۋرىز 07:40
:ءبولىسۋ
قازاقستاندا بۇگىن - العىس ايتۋ كۇنى

نۇر-سۇلتان. قازاقپارات - قازاقستان حالقى بۇگىن العىس ايتۋ كۇنىن اتاپ وتەدى، دەپ حابارلايدى قازاقپارات ءتىلشىسى.

العىس ايتۋ كۇنى - بەيبىتشىلىك پەن دوستىققا، تىنىشتىق پەن ىنتىماققا ۇندەيتىن مەرەكە. بۇل كەڭقۇشاق قۇرمەت - ەلىمىزدەگى ءتۇرلى ۇلت وكىلدەرىنىڭ اراسىنداعى ادامگەرشىلىك قارىم-قاتىناستىڭ ونەگەلى ولشەمىنە اينالدى. العىس ايتۋ كۇنى حالقىمىز ءۇشىن ايتۋلى ىزگى داستۇرگە اينالدى.

قازاقستان حالقى بۇگىن تاريحىندا التىنشى رەت العىس ايتۋ كۇنىن اتاپ وتەدى.

2016-جىلدىڭ 14- قاڭتارىندا ەلباسى نۇرسۇلتان نازاربايەۆ جارلىققا قول قويىپ، وعان سايكەس، 1 ناۋرىز - ەلىمىزدە العىس ايتۋ كۇنى دەپ جاريالاندى.

ايتا كەتەرلىگى، ءدال وسى 1- ناۋرىز كۇنى ەلىمىزدە قازاقستان حالقى اسسامبلەياسى قۇرىلعان بولاتىن.

ن. نازاربايەۆ 2015-جىلدىڭ 22- ساۋىرىندە اسسامبلەيانىڭ XXII سەسسياسىندا العىس ايتۋ كۇنىن بەلگىلەۋگە نە تۇرتكى بولعانىن تاريحپەن بايلانىستىرا وتىرىپ ايتىپ بەرگەن ەدى. تۇڭعىش پرەزيدەنت ستاليندىك رەجىم كەزىندە قازاقستانعا كوپتەگەن حالىقتار جەر اۋدارىلعانىن - 800 مىڭعا جۋىق نەمىس، 102 مىڭ پولياك، 550 مىڭ سولتۇستىك كاۆكاز حالقىنىڭ وكىلدەرى، 18,5 مىڭ قيىر شىعىستاعى كورەي وتباسىلارى كوشىپ كەلۋگە ءماجبۇر بولعانىن ەسكە سالعان بولاتىن.

تاعدىردىڭ تالكەگىمەن ەلىمىزگە قونىس اۋدارعان ءتۇرلى ەتنوس وكىلدەرىن قازاق حالقى قۇشاق جايا قارسى الىپ، اۋىرتپالىق اتاۋلىنى بىرگە كوتەردى. بۇل كۇن - قيىن-قىستاۋ كەزەڭدەردە قۋانىش- قايعىنى ءبولىسىپ، پانا بولا بىلگەن قازاق حالقىنا وزگە ۇلت وكىلدەرىنىڭ العىس ايتاتىن كۇنى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات