+7 (701) 759 90 19
+7 °С : نۇر-سۇلتان
+14 °С : الماتى
USD 433.15 EUR 515.06
RUB 5.61 CNY 66.06
جاڭالىقتار

قازاقستاندا اپتا ىشىندە بولعان تاعايىنداۋلار

28 اقپان 17:49
:ءبولىسۋ
قازاقستاندا اپتا ىشىندە بولعان تاعايىنداۋلار

نۇر- سۇلتان. قازاقپارات - وسى اپتادا ەلىمىزدىڭ ورتالىق جانە جەرگىلىكتى اتقارۋشى ورگاندارىندا ءبىرقاتار كادرلىق اۋىس- ءتۇيىس بولدى.

ماسەلەن، اقتوبە وبلىسىندا بىرىنەشە جاڭا لاۋازىم يەلەرى بەكىتىلىپ، اقمولا وبلىسىنداعى بەس اۋدانعا جاڭا پروكۋرورلار كەلدى. قازاقپارات وسى جانە وزگە دە تاعايىنداۋلاردى وقىرمان نازارىنا ۇسىنادى.

***

وسى اپتادا مۇرات نۇرتىلەۋ قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى بولىپ تاعايىندالدى.

«مۇرات ءابۋعالي ۇلى نۇرتىلەۋ قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى لاۋازىمىنا تاعايىندالسىن، ول قازاقستان رەسپۋبليكاسى پرەزيدەنتىنىڭ كومەكشىسى لاۋازىمىنان بوساتىلسىن» ، - دەلىنگەن قۇجاتتا.

***

ق ر ۇكىمەتىنىڭ قاۋلىسىمەن الىبەك ساكەن ۇلى قۋانتىروۆ ق ر ۇلتتىق ەكونوميكا ۆيتسە- ءمينيسترى قىزمەتىنە تاعايىندالدى.

الىبەك قۋانتىروۆ 1983 -جىلى اتىراۋ قالاسىندا تۋعان. تومسك مەملەكەتتىك ۋنيۆەرسيتەتىن، ميچيگان ۋنيۆەرسيتەتىن بىتىرگەن. ەڭبەك جولىن 2005 -جىلى ق ر ەكونوميكا جانە بيۋدجەتتىك جوسپارلاۋ مينيسترلىگىندە جەتەكشى ماماننىڭ م. ا. بولىپ باستادى.

***

سەرىك راحمەتوللا ۇلى ەگىزبايەۆ قر اقپارات جانە قوعامدىق دامۋ مينيسترلىگىنىڭ اپپارات باسشىسى لاۋازىمىنا تاعايىندالدى.

سەرىك ەگىزبايەۆ 1963 -جىلى باتىس قازاقستان وبلىسىندا دۇنيەگە كەلگەن. باتىس قازاقستان اۋىل شارۋاشىلىعى ينستيتۋتىن، قر پرەزيدەنتى جانىنداعى مەملەكەتتىك باسقارۋ اكادەمياسىن، قازاق مەملەكەتتىك زاڭ اكادەمياسىن ءتامامداعان.

ەڭبەك جولىن ورال (قازىرگى باتىس قازاقستان) وبلىسىنداعى «چاپايەۆ» زاۋىتىندا جۇمىسشى بولىپ باستادى. اۋىل شارۋاشىلىعى ينستيتۋتىن بىتىرگەننەن كەيىن زاۋىتقا قايتا ورالدى.

***

ەرنات ارحات ۇلى مۇحاماديەۆ ق ر مادەنيەت جانە سپورت مينيسترلىگىنىڭ اپپاراتىنىڭ باسشىسى قىزمەتىنە تاعايىندالدى.

ەرنات مۇحاماديەۆ 1988 -جىلى تاراز قالاسىندا تۋعان. ءال- فارابي اتىنداعى قازاق ۇلتتىق ۋنيۆەرسيتەتىن، وكسفورد ۋنيۆەرسيتەتىن بىتىرگەن.

ەڭبەك جولىن 2012 -جىلى «نازاربايەۆ ورتالىعى» مەملەكەتتىك مەكەمەسىنىڭ حالىقارالىق اقپاراتتار ءبولىمىنىڭ اعا ساراپشىسى قىزمەتىنەن باستادى. 2014-2016 -جىلدارى ق ر ب ع م جاستار ءىسى دەپارتامەنتىندە باسشىلىق قىزمەتتەر اتقاردى.

***

اسقار ەربولات ۇلى ۇمبەتاليەۆ ق ر ادىلەت مينيسترلىگى اپپاراتىنىڭ باسشىسى قىزمەتىنە تاعايىندالدى.

اسقار ۇمبەتالييەۆ 1980 -جىلى قىزىلوردا وبلىسىندا تۋعان. قازاق مەملەكەتتىك زاڭ ۋنيۆەرسيتەتىن، الماتى ەكونوميكا ۋنيۆەرسيتەتىن، لوندون ەكونوميكا جانە ساياسي ءىلىم مەكتەبىن (تاعىلىمداما) بىتىرگەن.

ماماندىعى بويىنشا بىلىكتىلىگى — قۇقىقتانۋ، قارجى باكالاۆرى. ەڭبەك جولىن 1997 -جىلى «كازيۋجاودستروي» ا ق- دا 4-رازريادتى مونتاجداۋشى بولىپ باستادى.

2020 -جىلعى جەلتوقساننان قازىرگى ۋاقىتقا دەيىن ق ر ادىلەت مينيسترلىگىنىڭ ىشكى اكىمشىلەندىرۋ دەپارتامەنتىنىڭ ديرەكتورى قىزمەتىن اتقاردى.

***

ق ر سىبايلاس جەمقورلىققا قارسى ءىس- قيمىل اگەنتتىگىنىڭ سەرىكتەستىك دەپارتامەنتىنىڭ ديرەكتورى بولىپ پەريزات ءسادۋاقاس تاعايىندالدى.

پ. ءسادۋاقاس بۇل قىزمەتكە دەيىن سەرىكتەستىك دەپارتامەنتى ديرەكتورىنىڭ ورىنباسارى قىزمەتىن اتقارعان. قاراعاندى وبلىسىندا تۋعان. ءبىلىمى جوعارى. ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قازاقستان تاريحى» ، «قۇقىق تانۋ» ماماندىقتارى بويىنشا بىتىرگەن. تاريح عىلىمدارىنىڭ كانديداتى.

***

اقتوبە وبلىسى حرومتاۋ اۋدانىنىڭ اكىمى بولىپ ازامات بەكەت تاعايىندالدى.

ازامات بەكەت قازاق گۋمانيتارلىق زاڭ ۋنيۆەرسيتەتى مەن ەكونوميكا جانە قۇقىق اكادەمياسىنىڭ تۇلەگى. ەڭبەك جولىن 2004 -جىلى استانا قالاسىنداعى ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ ينسپەكتورى بولىپ باستاعان.

ءار جىلدارى الماتى، استانا قالالارىنىڭ، باتىس قازاقستان، الماتى وبلىستارىنىڭ ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتتەرىندە ەڭبەك ەتىپ، باتىس قازاقستان، اتىراۋ وبلىستارىندا تۋريزم، دەنە شىنىقتىرۋ جانە سپورت باسقارمالارىن، اتىراۋ وبلىسىنىڭ جىلىوي اۋدانىن باسقاردى.

2020 -جىلدىڭ قىركۇيەك ايىنان بەرى اقتوبە قالاسى اكىمىنىڭ ورىنباسارى قىزمەتىن اتقاردى.

***

ناعىمجان الدياروۆ وبلىستىق قۇرىلىس، ساۋلەت جانە قالا قۇرىلىسى باسقارماسىنىڭ باسشىسى بولىپ تاعايىندالدى.

ول م. تىنىشبايەۆ اتىنداعى قازاق مەملەكەتتىك ​ كولىك جانە كوممۋنيكاتسيا اكادەمياسىنىڭ تۇلەگى.

ەڭبەك جولىن 1997-1998 -جىلدارى اقتوبە قالاسىنداعى «اققايىڭ» وندىرىستىك كووپەراتيۆىنىڭ باس ەسەپشىسى بولىپ ​ باستاعان. العا اۋدانى مارجانبۇلاق اۋىلدىق وكرۋگىنىڭ اكىمى بولدى، اقتوبە قالاسىنىڭ تۇرعىن ءۇي جانە كوممۋنالدىق ​ شارۋاشىلىعى، جولاۋشىلار كولىگى جانە اۆتوموبيل جولدارى ​ ءبولىمىن باسقاردى. اقتوبە قالاسى اكىمىنىڭ ورىنباسارى، العا اۋدانىنىڭ اكىمى لاۋازىمدارىن اتقاردى.

***

اقتوبە وبلىسى اكىمىنىڭ اپپارات باسشىسى بولىپ قايرات رايىمقۇلوۆ تاعايىندالدى. ول ءال- فارابي اتىنداعى قازاق ۇلتتىق ۋنيۆەرسيتەتىنىڭ، قازاق گۋمانيتارلىق- زاڭ ۋنيۆەرسيتەتىنىڭ تۇلەگى.

ەڭبەك جولىن 2010 -جىلى وبلىستىق قارجى باسقارماسىندا جەتەكشى مامان بولىپ باستاعان. ءار ءتۇرلى جىلدارى اقتوبە قالاسى ەكونوميكا جانە قارجى ءبولىمىن، اقتوبە قالاسى اكىمىنىڭ اپپاراتىن باسقارىپ، وبلىستىق قارجى، ەكونوميكا جانە بيۋدجەتتى جوسپارلاۋ باسقارمالارىنىڭ باسشىسى ورىنباسارى بولدى، وبلىستىق كاسىپكەرلىك باسقارماسىندا باسشىلىق قىزمەت اتقاردى.

2020 -جىلى پرەزيدەنتتىڭ جاستار كادرلىق رەزەرۆىنە كىردى.

2020 -جىلدىڭ ءساۋىر ايىنان باستاپ وسى ۋاقىتقا دەيىن اقتوبە وبلىسىنىڭ قارجى باسقارماسىن باسقارىپ كەلدى.

***

اقتوبەدە وبلىستىق قارجى باسقارماسىنىڭ باسشىسى قىزمەتىنە نۇرلىبەك ونەربايەۆ تاعايىندالدى.

نۇرلىبەك ونەربايەۆ - ق. جۇبانوۆ اتىنداعى اقتوبە مەملەكەتتىك ۋنيۆەرسيتەتى مەن قازاق گۋمانيتارلىق- زاڭ ۋنيۆەرسيتەتىنىڭ تۇلەگى. ەڭبەك جولىن 2002 -جىلى اقتوبە قالالىق قارجى بولىمىندە باس مامان بولىپ باستاعان.

***

پاۆلودار وبلىسى اقپارات جانە قوعامدىق دامۋ باسقارماسىنىڭ باسشىسى بولىپ ازامات بايتەنوۆ تاعايىندالدى.

ازامات بايتەنوۆ 1987 -جىلى پاۆلودار وبلىسىنىڭ ۋسپەن اۋدانىندا دۇنيەگە كەلگەن. 2009 -جىلى پاۆلودار مەملەكەتتىك پەداگوگيكالىق ينستيتۋتىن «تاريح» ماماندىعى بويىنشا ءتامامداعان. 2012 -جىلى وسى جوعارى وقۋ ورنىنان تاريح ماگيسترى دارەجەسىن الدى.

ەڭبەك جولىن 2009 -جىلى №3 ۋسپەن ورتا مەكتەبىندە تاريح ءپانىنىڭ ءمۇعالىمى بولىپ باستاعان.

***

شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ باسشىسى مىندەتىن اتقارۋشى بولىپ ءمادي ماناتبەك ۇلى تاعايىندالدى.

ءمادي ماناتبەك ۇلى 1978 -جىلى 25 - مامىردا دۇنيەگە كەلگەن.

ەڭبەك جولىن 1998 -جىلى رەسپۋبليكالىق «نارتاۋەكەل» گازەتىندە تىلشىلىك قىزمەتتەن باستاعان. 1999 -جىلى قالالىق «شىمكەنت كەلبەتى» گازەتىندە، 2000 -جىلدان باستاپ «وتىرار» تەلەارناسىندا جۋرناليست بولىپ قىزمەت اتقارعان، سپورتتىق «توپجارعان» ، قىلمىستىق «وقيعا ىزىمەن» باعدارلامالارىنىڭ اۆتورى ءارى جۇرگىزۋشىسى.

***

اقمولا وبلىسىنداعى 5 اۋداننىڭ پروكۋرورلارى تاعايىندالدى.

ق ر باس پروكۋرورىنىڭ بۇيرىعىمەن زەرەندى اۋدانىنىڭ پروكۋرورى بولىپ اسقار بايجانوۆ، ەسىل اۋدانىنىڭ پروكۋرورى بولىپ اسحات قابدۋشيەۆ، ءبىرجان سال اۋدانىنىڭ پروكۋرورى بولىپ سامات نۇرمانبەكوۆ، بۋراباي اۋدانىنىڭ پروكۋرورى بولىپ باعدات شەرالى، قورعالجىن اۋدانىنىڭ پروكۋرورى بولىپ جاندوس نۇرجانوۆ تاعايىندالدى.

***

پارلامەنتاريزم ينستيتۋتىنىڭ ديرەكتورى بولىپ، بۇرىنعى دەپۋتات مانسۇرحان ماحامبەتوۆ تاعايىندالدى.

مانسۇرحان ماحامبەتوۆ - پروكۋراتۋرا ورگاندارىندا، ونىڭ ىشىندە وڭىرلەردە جۇمىس ىستەگەن، تاجىريبەسى مول كاسىبي زاڭگەر. 1965 -جىلى تۋعان. قاراعاندى مەملەكەتتىك ۋنيۆەرسيتەتىن «قۇقىق تانۋ» ماماندىعى بويىنشا بىتىرگەن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات