ەكسەتەر قالاسىندا سوعىستان قالعان قۋاتتى اۆيابومبانى جاردى
بۇل تۋرالى قازاقپارات جەرگىلىكتى پوليتسيا قىزمەتىنىڭ Twitter- دەگى مالىمدەمەسىنە سىلتەمە جاساپ حابارلايدى.
«ەكسەتەر ۋنيۆەرسيتەتىنىڭ ماڭىنان تابىلعان بومبا جارىپ جىبەرىلدى. 400 مەتر راديۋسىنداعى جەردى قورشاۋ ءتۇنى بويى ساقتالادى، سوندىقتان تۇرعىندار ءوز ۇيلەرىنە قايتىپ ورالماۋى ءتيىس»، - دەلىنگەن حابارلامادا.
ۇزىندىعى 2 مەتردەن اساتىن وق- ءدارىنىڭ جوعارى قۋاتتىلىعىنا بايلانىستى، قاۋىپسىزدىكتى قامتاماسىز ەتۋ ماقساتىندا ۋنيۆەرسيتەتتىك كامپۋس اۋماعىندا جانە ونىڭ ماڭىندا تۇرىپ جاتقان بىرنەشە مىڭ ادامدى قاۋىپسىز جەرگە شىعارۋ جۇمىسى جۇرگىزىلدى. ەۆاكۋاتسيالانعانداردىڭ اراسىندا بۇل ج و و- نىڭ جۇزدەگەن ستۋدەنتى بار.
پوليسيا جاريالاعان ۆيدەودا بومبا جارىلعان ساتتەن كەيىن جارقىلداۋ مەن ونداعان مەترگە كوتەرىلگەن قارا ءتۇتىن باعاناسى كورىنىپ تۇر. جەرگىلىكتى تۇرعىندار جارىلىستىڭ قالانىڭ شالعاي بولىكتەردە دە ەستىلىپ، ۇيدەگى زاتتاردىڭ قوزعالعانىن ايتتى.
ەكىنشى دۇنيەجۇزىلىك سوعىس جىلدارىندا ۇلى بريتانيانىڭ ا ا ك بازاسى ورنالاسقان ەكسەتەر جاپپاي بومبالاۋعا ۇشىراعان.