«كانەلو» مەن يىلدىرىمنىڭ تيتۋلدىق جەكپە- جەك ءۇشىن العان گونورارى بەلگىلى بولدى

نۇر- سۇلتان. قازاقپارات - مەكسيكا بوكسشىسى ساۋل الۆارەس پەن تۇرىك سپورتشىسى اۆني يىلدىرىمنىڭ تيتۋلدىق جەكپە- جەك ءۇشىن العان سوماسى اتالدى، دەپ حابارلايدى قازاقپارات Sports.kz سايتىنا سىلتەمە جاساپ.

The Athletic ينسايدەرى مايك كوپپيندجەردىڭ مالىمەتىنشە، يىلدىرىمنىڭ نەبارى ءۇش راۋندقا سوزىلعان جەكپە- جەك ءۇشىن العان گونورارى 2,5 ميلليون دوللاردى قۇراعان. «كانەلو» بولسا، «سەگىز تاڭبالى سومانى» العان. كەيبىر شەتەلدىك ب ا ق گونورار سيفرىن دە اتادى، بۇل 30 ميلليونعا جۋىق دوللار.

ەسكە سالا كەتسەك، الۆرەس يىلدىرىممەن ايقاستا WBA Super جانە WBC نۇسقالارى بويىنشا سۋپەرورتا سالماقتا الەم چەمپيونى تيتۋلدارىن ءساتتى قورعاپ شىقتى. مەكسيكالىق بوكسشى كەلەسى جەكپە- جەگىن 8- مامىردا وتكىزەدى - وندا ول بريتاندىق بوكسشى بيللي دجو ساندەرسپەن جۇدىرىقتاسادى.