كوروناۆيرۋس: ا ق ش جاڭا ۆاكسينانىڭ قولدانىسىنا رۇقسات بەردى
ۆاكسينانىڭ العاشقى پارتياسى 1-ناۋرىز كۇنى جەتكىزىلەدى دەپ كۇتىلۋدە.
قازاقپارات بۇل تۋرالى BBC- گە سىلتەمە جاساپ حابارلايدى.
Johnson مەن Johnson پرەپاراتىنىڭ تيىمدىلىگى سىرقاتتىڭ ءحالى اۋىر بولعان جاعدايدا %85 كورسەتىپ وتىر.
وسى اپتادا ازىق-تۇلىك جانە مەديتسينالىق پرەپاراتتاردىڭ ساپاسىن سانيتارلىق قاداعالاۋ باسقارماسىنىڭ ساراپشىلارى (FDA) اتالمىش ۆاكسينانىڭ قاۋىپسىزدىگىنە قاتىستى قورىتىندىنى جاريالاعان بولاتىن. ولاردىڭ باعالاۋىنشا، كوروناۆيرۋس جەڭىل تۇردە ءوتىپ جاتقان ناۋقاستاردا پرەپاراتتىڭ ءتيىمدىلى - %66,1، سىرقاتتىڭ اۋىر جاعدايىندا %85 كورسەتكەن.
وسىلايشا، ا ق ش- تا كوروناۆيرۋسقا قارسى ءۇشىنشى پرەپاراتتىڭ قولدانىسىنا رۇقسات بەرىلىپ وتىر - Pfizer/BioNTech, Moderna جانە Johnson مەن Johnson.
بۇعان دەيىن Johnson مەن Johnson كومپانياسى امەريكا ۇكىمەتىمەن 100 ميلليون دوزا ۆاكسينانى جەتكىزۋ بويىنشا 1 ميلليارد دوللارعا كەلىسىم جاساسقانى حابارلانعان ەدى.
اۆتور: ميرا تولەندى قىزى