قازاقستاندىقتار باس پروكۋراتۋرانىڭ فەيك- قاۋلىسىن تاراتۋدا

نۇر- سۇلتان. قازاقپارات - «رەسەيدە ەسەپكە قويىلعان ماشينالاردىڭ يەلەرىنە قازاقستان رەسپۋبليكاسىنىڭ اۋماعىندا باس سەنىمحاتسىز جۇرۋگە تىيىم سالىنادى» . قازاقستاندىقتار الەۋمەتتىك جەلىدە ق ر باس پروكۋراتۋراسى قۇجاتىنىڭ سكرين- فوتوسىن تاراتۋدا.

الايدا اتالمىش ۆەدومستۆو بۇل اقپاراتتى جوققا شىعاردى، دەپ حابارلايدى قازاقپارات stopfake.kz سايتىنا سىلتەمە جاساپ.

«جەلىدە قازاقستان رەسپۋبليكاسى باس پروكۋرورىنىڭ باس سەنىمحاتسىز رەسەيلىك اۆتوكولىكتى باسقارۋعا تىيىم سالۋ تۋرالى قاۋلىسى تۋرالى اقپارات تاراتىلۋدا. بۇل اقپارات شىندىققا جاناسپايتىنىن حابارلايمىز. باس پروكۋرور بەكىتكەن قۇقىقتىق اكتىلەردىڭ ماتىندەرى رەسمي سايتتا جاريالانعان. ارانداتۋشىلىققا بوي الدىرماۋدى جانە تەك رەسمي دەرەككوزدەرگە سەنۋدى سۇرايمىز»، - دەلىنگەن ق ر باس پروكۋراتۋراسىنىڭ رەسمي مالىمەتىندە.

فەيك فوتوسۋرەتكە مۇقيات قاراعاندا، وندا ورتا مەكتەپتىڭ ءمورى قويىلعانىن بايقاۋعا بولادى. سونداي- اق، ماتىندە قۇجاتتىڭ ق ر ءى ءى م رەسمي سايتىندا جاريالانعانى ايتىلعان، ءبىراق ءىس جۇزىندە سايتتا ونداي حابارلاما جوق.

فەيكتى جاساعان ادام نەگىزگە الىپ وتىرعان «اكىمشىلىك راسىمدەر تۋرالى» زاڭدا 60-باپ جوق - ولاردىڭ سانى 25 قانا.

سونداي- اق، فەيك ماتىنىندە گرامماتيكالىق جانە ستيليستيكالىق قاتەلەر كوپ.