پاۆلودار وبلىسىندا حالىق سانى ازايدى

پاۆلودار. قازاقپارات - پاۆلودار وبلىسىندا 2020 -جىلعى 1 - قاڭتارمەن سالىستىرعاندا حالىق سانى 1158 ادامعا نەمەسە %0,2 ازايدى، دەپ حابارلايدى قازاقپارات Pavlodarnews.kz سايتىنا سىلتەمە جاساپ.

پاۆلودار وبلىستىق ستاتيستيكا دەپارتامەنتى وڭىردەگى دەموگرافيالىق جاعداي تۋرالى مالىمەتىنە قاراعاندا، 2021 -جىلعى 1-قاڭتاردا وڭىردەگى حالىق سانى 751011 ادامدى قۇراعان. سونىڭ ىشىندە قالالىقتار - 530209 (%70,6)، اۋىلدىقتار - 220802 ادام (%29,4).

وبلىستا ەر ادامدار سانى - 355996 (%47,4)، ايەل ادامدار - 395015 (%52,6).

اتاپ ايتقاندا، 2020 -جىلعى 1-قاڭتارمەن سالىستىرعاندا حالىق سانى 1158 ادامعا نەمەسە 0,2 پايىزعا ازايىپ وتىر.

«قاراستىرىلىپ وتىرعان كەزەڭدە پاۆلودار قالاسىندا عانا حالىق سانى 1395 كە كوتەرىلدى. قالعان قالالار مەن اۋدانداردا ازايدى»، - دەدى دەپارتامەنتتە.