+7 (701) 759 90 19
+7 °С : نۇر-سۇلتان
+14 °С : الماتى
USD 432.94 EUR 513.68
RUB 5.62 CNY 66.1
جاڭالىقتار

الماتىدا «جىر الىبى - جامبىل» اتتى مۋزىكالىق پوەزيا كەشى ءوتتى

26 اقپان 22:29
:ءبولىسۋ
الماتىدا «جىر الىبى - جامبىل» اتتى مۋزىكالىق پوەزيا كەشى ءوتتى

الماتى. قازاقپارات- الماتىداعى ۇلتتىق كىتاپحانادا جامبىل جابايەۆتىڭ 175 جىلدىعىنا ارنالعان «جىر الىبى - جامبىل» اتتى مۋزىكالىق- پوەزيالىق كەش ءوتتى، دەپ حابارلايدى قازاقپارات ءتىلشىسى.

ءىس- شارا ق ر ۇلتتىق كىتاپحاناسىنىڭ ونەر ءبولىمى جانىنداعى ء«ىنجۋ- مارجان» كلۋبى اياسىندا وتكىزىلەدى.

مۋزىكالىق- پوەزيالىق كەشتىڭ ماقساتى - اقىننىڭ پوەزيالىق مۇراسىن جاڭعىرتۋ، ونىڭ شىعارماشىلىعىن كەڭىنەن ناسيحاتتاۋ جانە دارىپتەۋ، ونىمەن جاستاردى تانىستىرۋ.

شاراعا بەلگىلى قوعام قايراتكەرلەرى، جازۋشىلار، جامبىلتانۋشى مەن تانىمال كومپوزيتورلار قاتىستى. اتاپ ايتساق، ناعاشىبەك قاپالبەك ۇلى، تەمىرحان تەبەگەنوۆ، سالتانات ايبەرگەنوۆا، بالنۇر قىدىربەك، شاياحمەت الجامبايەۆ، حابيبوللا سەتەكوۆ، باقىتجان شورماقوۆ جانە تاعى باسقالارى.

مۋزىكالىق- پوەزيالىق كەش اياسىندا كىتاپحانانىڭ وراز جاندوسوۆ اتىنداعى «قازاقستان كىتاپتارى» جانە مەرزىمدى باسىلىمدار زالىندا ۇلى اقىن، سۋىرىپ سالما ونەرىنىڭ كلاسسيگى جامبىل جابايەۆتىڭ 175 جىلدىعىنا ارنالعان كىتاپ كورمەسى ۇيىمداستىرىلدى. وندا اقىن شىعارمالارى مەن ول تۋرالى ادەبيەتتەر ۇسىنىلدى.

«قازاق پوەزياسىنىڭ كوپ عاسىرلىق تاريحىنداعى جىراۋ، پوەزيا الىبى جامبىل جابايەۆتىڭ تۋعانىنا 175 جىل تولدى. بۇگىندە مەملەكەتتىك دەڭگەيدى حالىقارالىق سيپاتى بار ۇلكەن ءىس- شارالار باستالدى. سونىڭ ءبىر جارقىن كورىنىسى ۇلتتىق كىتاپحاناسىنداعى شارانى ايتۋعا بولادى. مۇندا ارنايى كورمە مەن عالىمداردىڭ كونفەرەنتسياسى ۇيىمداستىرىلدى. بۇل حالقىمىزدىڭ رۋحاني قۇندىلىقتارىن ۇلىقتاۋدىڭ ۇلكەن كورىنىسى» ، - دەيدى قازاقستان جازۋشىلار وداعىنىڭ مۇشەسى تەمىرحان تەبەگەنوۆ.

سونداي- اق، بۇگىن ق ر مەملەكەتتىك حاتشىسى قىرىمبەك كوشەربايەۆ، مادەنيەت جانە سپورت ءمينيسترى اقتوتى رايىمقۇلوۆا، نۇر- سۇلتان قالاسىنىڭ اكىمى التاي كولگىنوۆ، اقىن- جازۋشىلار، جامبىلتانۋشىلار جانە قوعام قايراتكەرلەرى ەلوردا دا جامبىل جابايەۆتىڭ ەسكەرتكىشىنە گۇل شوعىن قويدى.

ايتا كەتەيىك، كەشە جامبىل جابايەۆتىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيانىڭ العاشقى وتىرىسى ءوتتى.

مەرەيتويلىق جىل ىشىندە رەسپۋبليكا بويىنشا 500 گە جۋىق الەۋمەتتىك، يميدجدىك، عىلىمي، تانىمدىق ءىس- شارالار وتكىزىلەدى. بۇدان بولەك، اقىن ومىرىنەن دەرەكتى فيلم ءتۇسىرۋ، ولەڭدەرىنىڭ جاڭا جيناقتارىن شىعارۋ، ايتىستار مەن ادەبي كونكۋرستاردى، كىتاپ كورمەلەرىن ۇيىمداستىرۋ، مەرەيتويلىق مونەتا، پوشتا ماركاسىن ازىرلەۋ جانە باسقا دا شارالار وتكىزۋ كوزدەلىپ وتىر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات