ەلىمىزدە دەپوزيتتەردى دوللارلاندىرۋ دەڭگەيى قانشا پايىزدى قۇرادى
ۇلتتىق بانكتىڭ مالىمەتىنشە، رەزيدەنتتەردىڭ دەپوزيتتىك ۇيىمدارداعى دەپوزيت كولەمى 2021 -جىلى قاڭتاردىڭ سوڭىندا ءبىر ايدا 2,7 پايىزعا ۇلعايىپ، 22675,7 ميلليارد تەڭگەنى قۇرادى. زاڭدى تۇلعالاردىڭ دەپوزيتتەرى ءبىر ايدا 11944,0 ميلليارد تەڭگەگە دەيىن 5,7 پايىزعا ءوستى، جەكە تۇلعالاردىڭ دەپوزيتتەرى 10731,7 ميلليارد تەڭگەگە دەيىن 0,6 پايىزعا تومەندەدى. «ۇلتتىق ۆاليۋتاداعى دەپوزيتتەر كولەمى ءبىر ايدا 14270,9 ميلليارد تەڭگەگە دەيىن 3,0 پايىزعا، شەتەل ۆاليۋتاسىندا - 8404,8 ميلليارد تەڭگەگە دەيىن 2,1 پايىزعا ۇلعايدى. دوللارلاندىرۋ دەڭگەيى 2021 -جىلى قاڭتاردىڭ سوڭىندا 37,1 پايىز (2020 -جىلعى جەلتوقساندا - 37,3 پايىز) بولدى»، - دەپ حابارلادى ۇلتتىق بانكتەن.
زاڭدى تۇلعالاردىڭ ۇلتتىق ۆاليۋتاداعى دەپوزيتتەرى 2021 -جىلى قاڭتاردا 7720,8 ميلليارد تەڭگەگە دەيىن 7,2 پايىزعا، شەتەل ۆاليۋتاسىندا - 4223,2 ميلليارد تەڭگەگە دەيىن 3,2 پايىزعا (زاڭدى تۇلعالار دەپوزيتتەرىنىڭ 35,4 پايىزى) ۇلعايدى.
جەكە تۇلعالاردىڭ تەڭگەدەگى دەپوزيتتەرى 6 550,1 ميلليارد تەڭگەگە دەيىن 1,5 پايىزعا تومەندەدى، شەتەل ۆاليۋتاسىندا 4 181,7 ميلليارد تەڭگەگە دەيىن 1,0 پايىزعا ۇلعايدى (جەكە تۇلعالار دەپوزيتتەرىنىڭ 39,0 پايىزى).
مەرزىمدى دەپوزيتتەردىڭ كولەمى ءبىر ايدا 3,7 پايىزعا ۇلعايىپ، 15844,0 ميلليارد تەڭگە بولدى. ولاردىڭ قۇرىلىمىندا ۇلتتىق ۆاليۋتاداعى سالىمدار 10059,2 ميلليارد تەڭگە، شەتەل ۆاليۋتاسىنداعى سالىمدار - 5784,8 ميلليارد تەڭگە بولدى.
بانكتىك ەمەس زاڭدى تۇلعالاردىڭ ۇلتتىق ۆاليۋتاداعى مەرزىمدى دەپوزيتتەرى بويىنشا ورتاشا الىنعان سىياقى مولشەرلەمەسى 2021 -جىلى قاڭتاردا 7,2 پايىز (2020 -جىلى قاڭتاردا - 7,3 پايىز)، جەكە تۇلعالاردىڭ دەپوزيتتەرى بويىنشا - 9,4 پايىز (9,3 پايىز) بولدى.
اۆتور: الما مۇقانوۆا