قازاقستاندىقتارعا قىتايعا بارۋ ءۇشىن ۆيزا بەرۋدى جالعاستىرۋ مۇمكىندىگى تالقىلاندى
قازاقستاندىق دەلەگاتسياعا قازاقستان رەسپۋبليكاسىنىڭ كونسۋلدىق قىزمەت دەپارتامەنتىنىڭ ديرەكتورى باۋىرجان اقاتايەۆ، قىتاي دەلەگاتسياسىنا قىتاي حالىق رەسپۋبليكاسىنىڭ سىرتقى ىستەر مينيسترلىگى كونسۋلدىق دەپارتامەنتىنىڭ ديرەكتورى سۋي ايمين ءتوراعالىق ەتتى.
ق ر سىرتقى ىستەر مينيسترلىگىنەن ءمالىم ەتكەندەي، كەلىسسوزدەر بارىسىندا تاراپتار ەكى ەل ازاماتتارىنىڭ قۇقىقتارى مەن مۇددەلەرىن قورعاۋداعى ەكىجاقتى ىنتىماقتاستىقتىڭ وزەكتى كونسۋلدىق- قۇقىقتىق ماسەلەلەرىن جان-جاقتى تالقىلادى.
تاراپتار قازاقستان مەن قىتاي ازاماتتارىنىڭ ەكى ەلدىڭ حالىقارالىق اۋەجايلارىنا كىرۋى/شىعۋىنىڭ جانە ترانزيتپەن ءوتۋىنىڭ قولدانىستاعى ءتارتىبى تۋرالى وزەكتى اقپاراتپەن الماستى.
سونىمەن قاتار، قازاقستان ازاماتتارىنا قىتايعا بارۋ ءۇشىن ق ح ر جەكە تۋريستىك جانە ىسكەرلىك ۆيزالارىن بەرۋدى جالعاستىرۋ مۇمكىندىگى تالقىلاندى.
كونسۋلتاتسيالار بارىسىندا قازاقستان تاراپى ۇلتى قازاق، ەكى مەملەكەتتىڭ ازاماتتارىنان قۇرالعان وتباسىلاردىڭ قايتا قوسىلۋ ماسەلەلەرىن كوتەردى.