قازاقستاندا «ۇلى دالا تاڭى» فيلمى تۇسىرىلە باستادى
25- اقپاندا الماتى وبلىسى جاركەنت اۋدانى كوكتال اۋىلىنىڭ ماڭىندا رەجيسسەر اقان ساتايەۆتىڭ «ۇلى دالا تاڭى» تولىق مەتراجدى تاريحي كوركەم فيلمىنىڭ ءتۇسىرىلىمى باستالدى.
بۇل جايىندا شاكەن ايمانوۆ اتىنداعى «قازاق فيلم» كينوستۋدياسىنىڭ باسپا ءسوز قىزمەتى ءمالىم ەتتى.
«كينوتۋىندىنى قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا «قازاق فيلم» كينوستۋدياسى تۇسىرەدى. اۋا رايىنىڭ ۋاقىتشا سۋىعانى ءتۇسىرۋ توبىنا قىس مەزگىلىندەگى تابيعاتتى ءتۇسىرىپ الۋعا مۇمكىندىك بەردى. ءوندىرىس كەستەسىنە سايكەس، 2 كۇننەن كەيىن ءتۇسىرىلىم توبى ءوز جۇمىستارىن جالعاستىرۋ ءۇشىن كەگەن اۋىلىنىڭ ماڭىنا كوشەدى» دەلىنگەن كينوستۋديا مالىمەتىندە.
فيلمدە قازاق حاندىعىندا قاسىم حان بيلىك ەتكەن كەزەڭدە مەملەكەت وركەندەپ، شىعىس دەشتى-قىپشاقتىڭ كەڭ اۋماعىنا باقىلاۋ ورناتىلعانى تۋرالى باياندالادى.
ءدال وسى جىلدارى قازاقتار دەربەس ەتنيكالىق قاۋىمداستىق رەتىندە ءبىزدىڭ اۋماقتان تىس جەرلەرگە دە بەلگىلى بولدى.