ورتالىق امەريكانى اشتىق جايلادى

None
None
نۇر-سۇلتان. قازاقپارات - ايماقتاعى سالۆادور، گۆاتەمالا، گوندۋراس جانە نيكاراگۋادا سوڭعى ەكى جىلدا اش ادامداردىڭ سانى 4 ەسە وسكەن. مۇنداي سۇمدىق مالىمەتتى بىرىككەن ۇلتتار ۇيىمىنىڭ ازىق- تۇلىك باعدارلاماسى بويىنشا جۇمىس ىستەيتىن ماماندار جاريالادى.

ساراپشىلاردىڭ ايتۋىنشا، اشتىققا اتالعان 4 مەملەكەتتەگى ەكونوميكالىق داعدارىس سەبەپ. قازىر بۇل ەلدەردە 8 ميلليونعا جۋىق ادام ءبىر ءتىلىم نانعا مۇقتاج. 2018 -جىلى اش- جالاڭاش جانداردىڭ قاتارى 2 ميلليون 200 مىڭداي بولعان. سونداي- اق گوندۋراستا بىلتىر قاراشادا ەكى رەت دۇلەي داۋىل سوعىپ، ۇيلەردى قيراتىپ، قاراپايىم حالىق ءۇشىن جىعىلعانعا جۇدىرىق بولدى.

مارلين روزالەس، جەرگىلىكتى تۇرعىن:

- كوروناۆيرۋسقا دەيىن دە ءبىزدىڭ جاعدايىمىز قيىن بولاتىن. جۇمىسسىز جۇردىك. ىندەت كەلگەن سوڭ دا ودان سايىن تىعىرىققا تىرەلدىك. ءبارى جابىلدى. كومەندانتتىق ساعات جاريالاندى. ءسويتىپ سىرتقا شىعىپ، ءناپاقا تابۋدان ءبىرجولا قالدىق. بىزدە سوقىر تيىن دا جوق. بالالارىمىز دىمكاس، اشتان بۇراتىلىپ ءجۇر. ءوزىمىز ءنار تاتپاساق تا، بارىمىزدى وسى بالالاردىڭ اۋزىنا سالامىز. باسقا ەلگە كەتەيىك دەسەك، شەكارادان وتكىزبەيدى.

« ميگەل باررەتو، ب ۇ ۇ ازىق- تۇلىك باعدارلاماسىنىڭ لاتىن امەريكاسى بويىنشا ديرەكتورى:

- زەرتتەۋىمىزگە سايكەس، ادامداردىڭ 15 پروتسەنتى باسقا ەلگە كوشسەم عوي دەگەن ويدىڭ جەتەگىندە ءجۇر. 2018 -جىلى قونىس اۋدارعىسى كەلەتىندەر قاتارى 8 پروتسەنتتەي بولعان ەدى.

تۋعان ەلىنەن بەزىنۋگە ەكونوميكالىق داعدارىس ماجبۇرلەپ وتىر. بىرىككەن ۇلتتار ۇيىمىنىڭ ازىق- تۇلىك باعدارلاماسى بيىل 2 ميلليون 600 مىڭ ادامعا كومەك بەرۋدى جوسپارلاپ وتىر. ءبىراق بۇل ءۇشىن بىزگە 46 ميلليون دوللار قاجەت.

www.24.kz

سوڭعى جاڭالىقتار