پاشينيان: ارمەنيادا توڭكەرىس بولمايدى

None
None
نۇر-سۇلتان. قازاقپارات - ارمەنيانىڭ پرەمەر- ءمينيسترى نيكول پاشينيان كوشەگە شىقتى. پرەمەر جاقتاستارىمەن بىرگە ەريەۆاننىڭ ورتالىعىندا 1 ساعاتتان استام ۋاقىت ءجۇردى.

جۋرناليستەرگە بەرگەن جاۋابىندا پاشينيان «ەلدەگى جاعداي باقىلاۋدا، قارۋلى كۇشتەر حالىق پەن ۇكىمەت باسشىسىنا باعىنادى» دەپ مالىمدەگەن. ارمەنيادا باس شتابتىڭ باسشىلىعى ورنىنان الىنعان سوڭ جاڭا تولقۋ باستالعانى بەلگىلى. پاشينيان اسكەري جەتەكشىلەردى قىزمەتىنەن الۋ تۋرالى جارلىققا قول قويعان. ءبىراق باس شتاب پرەمەر- مينيسترگە قارسى شىعىپ، بيلىكتەن كەتۋدى تالاپ ەتكەن.

پاشينيان بۇل مالىمدەمەنى «مەملەكەتتىك توڭكەرىس ارەكەتى» دەپ اتادى. ەريەۆان كوشەلەرىندە پرەمەرگە قارسى وپپوزيتسيا جاقتاستارى جينالىپ جاتىر. رەسپۋبليكانىڭ ارناۋلى قىزمەتى ازاماتتاردى ۇلتتىق قاۋىپسىزدىككە قاتەر توندىرگەن ءىس- ارەكەتتەردەن اۋلاق بولۋعا شاقىردى.

www.24.kz


سوڭعى جاڭالىقتار