نيۋ- يوركتە كوروناۆيرۋستىڭ جاڭا ءتۇرى انىقتالدى

None
None
نيۋ- يورك. قازاقپارات - كاليفورنيا تەحنولوگيالىق ينستيتۋتى مەن كولۋمبيا ۋنيۆەرسيتەتى عالىمدارىنىڭ پىكىرىنشە، كوروناۆيرۋس ينفەكتسياسىنىڭ جاڭا نۇسقاسىندا كەزدەسەتىن مۋتاتسيا وعان يممۋندىق جۇيەنىڭ اسەرىن سەزىنبەۋگە مۇمكىندىك بەرەدى، دەپ حابارلايدى قازاقپارات The New York Times-قا سىلتەمە جاساپ.

نيۋ- يورك قالاسىن قامتىعان كوروناۆيرۋس ينفەكتسياسىنىڭ جاڭا تۇرىندە ۆيرۋسقا قارسى ۆاكسينالاردىڭ تيىمدىلىگىن تومەندەتۋگە مۇمكىندىك بەرەتىن مۋتاتسيا بار. B.1.526 جاڭا نۇسقاسى قالادا العاش رەت وتكەن جىلدىڭ قاراشا ايىندا بايقالعان بولاتىن. وسى جىلدىڭ اقپان ايىنىڭ ورتاسىنا قاراي GISAID مالىمەتتەر بازاسىندا تىركەلگەن ءاربىر ءتورتىنشى گەنومدار تىزبەگىندە ۆيرۋستىڭ جاڭا نۇسقاسى بولدى. زەرتتەۋلەردى كاليفورنيا تەحنولوگيالىق ينستيتۋتى مەن كولۋمبيا ۋنيۆەرسيتەتىنىڭ عالىمدارى جۇرگىزدى. زەرتتەۋلەر ساراپتامالىق شولۋدان وتپەگەنى جانە عىلىمي جۋرنالداردا جاريالانباعانى اتاپ ءوتىلدى. الايدا، ساراپشىلاردىڭ پىكىرىنشە، جۇيەلى زەرتتەۋ ناتيجەلەرى ۆيرۋستىڭ ناقتى تارالۋىن كورسەتەدى. قازىرگى ۋاقىتتا عالىمدار ونىڭ مۋتاتسياسىن باقىلاۋ ءۇشىن ۆيرۋستىڭ جاڭا نۇسقاسىنىڭ گەنەتيكالىق ماتەريالىن زەرتتەپ جاتىر.

كاليفورنيا تەحنولوگيالىق ينستيتۋتىنىڭ عالىمدارى GISAID دەرەكتەر بازاسىنىڭ كومەگىمەن ۆيرۋس گەنومىنىڭ جۇزدەگەن مىڭ تىزبەگىن سكانەرلەگەننەن كەيىن B. 1.526 ۆيرۋسىنىڭ تارالۋىنىڭ وسكەنىن انىقتادى. ولار E484K جانە S477N ەكى مۋتاتسياسىنىڭ ءوسىمىن انىقتادى. وڭتۇستىك افريكا مەن برازيليادا بايقالعان مۋتاتسيانىڭ ءبىرىنشى ءتۇرى ۆيرۋسقا ۆاكتسينالاردىڭ اسەرىنەن اۋلاق بولۋعا مۇمكىندىك بەرەدى، ال ەكىنشىسى جاسۋشامەن قانشالىقتى بايلانىسقانىنا اسەر ەتەدى. اقپان ايىنىڭ ورتاسىندا مۋتاتسيانىڭ وسى ەكى ءتۇرىنىڭ گەنومدارىنىڭ ۇلەسى قالادا تىركەلگەن بارلىق مۋتاتسيالاردىڭ شامامەن %27 ىن قۇرادى. قازىرگى ۋاقىتتا ەكى مۋتاتسيا دا B.1.526 نۇسقاسىنىڭ توبىنا بىرىكتىرىلگەن. ۋنيۆەرسيتەت عالىمدارى قالا بيلىگىنە، سونداي- اق ۆيرۋستىڭ تارالۋىن باقىلاۋ جانە الدىن الۋ ورتالىقتارىنا ەسكەرتۋ جاسادى.

سوڭعى جاڭالىقتار