فۋتبولدان ەل بىرىنشىلىگىنىڭ كۇنتىزبەسى جاريالاندى

None
None
نۇر- سۇلتان. قازاقپارات - فۋتبولدان بيىلعى قازاقستان بىرىنشىلىگىنىڭ كۇنتىزبەسى جاريالاندى، دەپ حابارلايدى قازاقپارات ءتىلشىسى.

بۇل جونىندە قازاقستان كاسىپقوي فۋتبول ليگاسى حابارلادى. ەستەرىڭىزگە سالا كەتەلىك، دوپ دوداسى 2 -ناۋرىزدا قازاقستان سۋپەركۋبوگى ويىندارىمەن باستالادى. بۇل تۋرنيردە الماتىنىڭ «قايرات»، قوستانايدىڭ «توبىل»، ەلوردانىڭ «استانا» جانە قاراعاندىنىڭ «شاحتەر» كوماندالارى سىنعا تۇسەدى. فينال 6-ناۋرىزدا وينالادى.

قازاقستان بىرىنشىلىگىنىڭ العاشقى تۋرى 13-جانە 14 -ناۋرىز كۇندەرى بولادى. الدىمەن 13-ناۋرىزدا «قايرات» (الماتى) مەن «جەتىسۋ» (تالدىقورعان)، «ارىس» (تۇركىستان وبلىسى) پەن «استانا» (نۇر- سۇلتان)، «اتىراۋ» مەن «شاحتەر» (قاراعاندى) جاسىل الاڭعا شىعادى. ال، 14 -ناۋرىزدا «قايسار» ( قىزىلوردا) مەن «تاراز»، «كاسپيي» (اقتاۋ) مەن «اقتوبە»، «توبىل» (قوستاناي) مەن «اقجايىق» (ورال)، «ورداباسى» (شىمكەنت) مەن « قىزىلجار» (پەتروپاۆل) كوماندالارى شەبەرلىك بايقاسادى. دوپ دوداسى ەكى اينالىم بويىنشا وتكىزىلەدى. سوڭعى تۋر 30 -قازاندا وتەدى.

سوڭعى جاڭالىقتار