ءۇندىستان مەن پاكىستان وق اتۋدى توقتاتۋ تۋرلى كەلىسىمگە كەلدى

None
None
نۇر- سۇلتان. قازاقپارات - ءۇندىستان مەن پاكىستان اسكەريلەرى كاشميردەگى داۋلى شەكارا بويىندا وق اتۋدى توقتاتۋعا كەلىستى.

بۇل تۋرالى ءۇندىستان جانە پاكىستان اسكەري وپەراتسيالارى باس شتابتارىنىڭ بىرلەسكەن مالىمدەمەسىندە ايتىلادى، دەپ حابارلايدى قازاقپارات Reuters اقپاراتتىق اگەنتتىگىنە سىلتەمە جاساپ.

تاراپتار ەكى ەلدىڭ قاداعالاۋىنداعى اۋدانداردى ءبولىپ تۇرعان قاداعالاۋ جەلىسىندە وق جاۋدىرۋدى توقتاتۋ بويىنشا كەلىسسوزدەر جۇرگىزىلىپ جاتقانىن اتاپ ءوتتى. ءۇندىستان مەن پاكىستان وكىلدەرى قاداعالاۋ جەلىسى مەن وزگە ۋچاسكەلەردەگى جاعدايدى باعالاپ، پروبلەمالار مەن كەلىسپەۋشىلىكتەردى رەتتەۋگە ءوزارا كۇش سالۋعا كەلىستى.

«ەكى تاراپ 2021 -جىلدىڭ 24-25 -اقپانداعى تۇنگى ۋاقىتتان باستاپ قاداعالاۋ جەلىسى مەن باسقا ۋچاسكەلەر بويىنداعى وق جاۋدىرۋدى توقتاتۋ تۋرالى بارلىق كەلىسىمدى قاتاڭ ساقتاۋعا ۋاعدالاستى»، - دەلىنگەن بىرلەسكەن مالىمدەمەدە.

بۇل ەكى يادرولىق دەرجاۆا 1947 -جىلى بريتانيادان تاۋەلسىزدىك العان كەزدەن بەرى كاشميردىڭ دەربەستىگى توڭىرەگىندەگى نارازىلىققا بايلانىستى ءۇش رەت سوعىسقان بولاتىن.

اۆتور: زارينا تۋعانبايەۆا

سوڭعى جاڭالىقتار