ايەلدەرگە قاتىستى زورلىق- زومبىلىق: توقايەۆ ماسەلەنى شەشۋدى تاپسىردى
«ايەلدەرگە قاتىستى تۇرمىستىق زورلىق- زومبىلىق ماڭىزدى الەۋمەتتىك پروبلەما. جىل سايىن ەلىمىزدە ايەلدەرگە قارسى 2,5 مىڭنان اسا قىلمىس تىركەلەدى. ونىڭ ىشىندە ولىممەن اياقتالعانى بار. زورلىق- زومبىلىق سالدارى ايەلدەردىڭ قوعامعا ارالاسۋىنا جانە وتباسى ينستيتۋتىنا تەرىس اسەر ەتەدى. بۇل وزەكتى ماسەلەنى مەملەكەتتىك ورگاندار مەن ۇكىمەتتىك ەمەس ۇيىمدار بىرلەسىپ قانا شەشۋگە بولادى»، - دەدى پرەزيدەنت ۇلتتىق قوعامدىق سەنىم كەڭەسى وتىرىسىندا.
ول بۇل ءىس بويىنشا ماڭىزدى ءرول ءىىم- ءنىڭ ايەلدەر مەن بالالاردى زورلىق- زومبىلىقتان قورعاۋ جونىندەگى 1999 -جىلى قۇرىلعان ارنايى بولىمشەلەرىنە جۇكتەلگەنىن ايتتى.
«ولار پوليتسيانىڭ ازاماتتىق قوعاممەن ءوزارا ارەكەتتەسۋىندە ءتيىمدى بۋىن بولۋى كەرەك. الايدا ولاردا شتات سانى قىسقاردى، ونىڭ ىشىندە وتباسىلىق زورلىق- زومبىلىق دەرەگى ءجيى تىركەلەتىن ايماقتاردا دا. بۇل ماسەلەنى الەۋمەتتانۋشى گۇلميرا يلەۋوۆا ۇلتتىق كەڭەس الاڭىندا كوتەردى. ىشكى ىستەر مينيسترلىگىنە ايەلدەر مەن بالالاردى زورلىق- زومبىلىقتان قورعاۋ ءۇشىن ارنايى جاساق قۇرامىن قالپىنا كەلتىرۋدى تاپسىرامىن»، - دەدى مەملەكەت باسشىسى.
سونداي- اق، توقايەۆ قۇقىق قورعاۋشى ايگۇل ورىنبەكتىڭ باستاماسى تۋرالى دا ايتتى. ول ايەلدەر مەن بالالارعا قاتىستى زورلىق-زومبىلىق قىلمىستارى بويىنشا ايەل تەرگەۋشىلەردى مامانداندىرۋدى ۇسىنعان.
«بۇل جابىرلەنۋشىلەرگە ءبىرجاقتى كوزقاراستى بولدىرماۋعا مۇمكىندىك بەرەدى. راحىم وشاقبايەۆپەن (»تالاپ« قولدانبالى زەرتتەۋلەر ورتالىعىنىڭ ديرەكتورى. - ەسكەرتۋ. ) وزگە زاڭگەرلەر مەن قوعام قايراتكەرلەرى تۇرمىستىق زورلىق-زومبىلىق ءۇشىن جازانى زاڭ جۇزىندە قاتاڭداتۋ تۋرالى ءوتىنىش- حاتىن بەردى. بۇل باستاما كەڭىنەن تالقىلانۋى كەرەك. ءبىز ءتيىستى شارالاردى زاڭنامالىق تۇردە قابىلداۋىمىز مۇمكىن»، - دەدى ول.