جاپونيادا وليمپيادا الاۋى ەستافەتاسى توقتاتىلۋى مۇمكىن

None
None
توكيو. Kyodo News-قازاقپارات - توكيوداعى وليمپيادا ويىندارىنىڭ ۇيىمداستىرۋ كوميتەتى وليمپيادا الاۋى ەستافەتاسىن وتكىزۋ كەزىندە كوروناۆيرۋستىڭ تارالۋىنا قارسى ءىس-قيمىل جوسپارىن جاريالادى، دەپ حابارلايدى قازاقپارات Kyodo News اگەنتتىگىنە سىلتەمە جاساپ.

ونىڭ ىشىندە ەگەر بەلگىلى ءبىر تالاپتار ورىندالماسا ەستافەتانىڭ توقتاتىلۋى مۇمكىن ەكەنى ايتىلعان. قۇجاتقا سايكەس، ەگەر الاۋ ءجۇرىپ وتەتىن باعىتتا ادام تىم كوپ جينالسا ەستافەتا توقتاتىلۋى مۇمكىن. وسىعان بايلانىستى ۇيىمداستىرۋ كوميتەتى جەرگىلىكتى تۇرعىنداردى الاۋمەن جۇگىرىپ ءوتۋ ءراسىمىن تىكەلەي ەفيردەن عانا تاماشالاۋعا شاقىرادى.

ۇيىمداستىرۋشىلار دا ماسكا تاعۋ، الەۋمەتتىك قاشىقتىق ساقتاۋ، دەزينفەكسيا قۇرالدارىن پايدالانۋ سىندى قاۋىپسىزدىك شارالارىنىڭ بارلىعى ساقتالۋ قاجەتتىگىن اتاپ ءوتتى. وليمپيادا الاۋى ەستافەتاسىنا قاتىساتىن تانىمال ادامداردى ۇيىمداستىرۋشىلار تولىعىمەن قورعاۋ مۇمكىن بولاتىن ايماقتارعا جەتكىزەدى.

سوڭعى جاڭالىقتار