دوللاردىڭ تەڭگەگە قاتىستى باعامى تاعى ارزاندادى

الماتى. قازاقپارات - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا دوللاردىڭ تەڭگەگە قاتىستى باعامى تاعى ارزاندادى، دەپ حابارلايدى قازاقپارات ءتىلشىسى.

ساۋدا-ساتتىق مالىمەتتەرىنە قاراعاندا، دوللار باعامى 24-اقپان كەشىمەن سالىستىرعاندا 1,17 تەڭگەگە قۇلدىراپ، 1 دوللاردىڭ قۇنى 414,36 تەڭگە بولعان. ۇلتتىق بانكتىڭ 25-اقپانداعى رەسمي باعامى - 1 دوللار ءۇشىن 415,57 تەڭگە.

Kurs.kz مالىمەتىنشە، بۇگىن الماتىداعى اقشا ايىرباستاۋ پۋنكتتەرىندە دوللار 413,99 تەڭگەدەن ساتىلسا، ال ساتىپ الۋ - 415,50 تەڭگە. نۇر-سۇلتانداعى اقشا ايىرباستاۋ پۋنكتتەرىندە دوللار 413,96 تەڭگەدەن ساتىلىپ جاتىر، ساتىپ الۋ قۇنى - 415,06 تەڭگە.

ايتا كەتەيىك، ا ق ش دوللارى بىرنەشە كۇن قاتارىنان تومەندەپ جاتىر. كەشە 23-اقپان كۇنى قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا تەڭگەنىڭ 1,47 تەڭگەگە قۇلدىراپ، 1 دوللاردىڭ قۇنى 415,05 بولعان.