تاعى ءۇش ءوڭىر مەكتەپتەرىندە وقۋلار توقتاتىلدى

نۇر-سۇلتان. قازاقپارات - اۋا رايىنىڭ بۇزىلۋىنا بايلانىستى تاعى 3 وڭىردە مەكتەپ وقۋشىلارى ونلاين فورماتقا اۋىستىرىلدى، دەپ حابارلايدى قازاقپارات.

اتاپ ايتقاندا، سولتۇستىك قازاقستان وبلىسىنىڭ اۋماعىندا 27- گرادۋس ايازعا بايلانىستى 0-9- سىنىپ ارالىعىنداعى (ءبىرىنشى اۋىسىم) مەكتەپ وقۋشىلارى قاشىقتان وقيتىن بولادى.

قاراعاندى قالاسى ءبىلىم ءبولىمىنىڭ مالىمەتىنشە، بورانعا بايلانىستى ءبىرىنشى اۋىسىمنىڭ 0-11- سىنىپتارىنداعى ساباقتار توقتاتىلىپ، قاشىقتىقتان وتكىزىلەدى.

سونداي-اق بۇگىن اقمولا وبلىسىنىڭ كوكشەتاۋ قالاسىندا ءبىرىنشى اۋىسىمداعى 1-11- سىنىپ بالالارى قاشىقتان وقيدى.

بۇعان دەيىن نۇر-سۇلتان جانە اتىراۋ قالالارىندا مەكتەپ وقۋشىلارى ونلاين وقۋعا كوشىرىلگەن بولاتىن.

سينوپتيكتەر 25-27- اقپان ارالىعىندا ەلىمىزدىڭ باسىم بولىگىندە ايازدار ساقتالاتىنىن ەسكەرتتى. سونداي-اق جەكەلەگەن وڭىردە قار جاۋىپ، بوران سوعاتىنى ايتىلدى.