ق ر پرەزيدەنتى پاۆلودار وبلىسىنىڭ بەسىنشى سىنىپ وقۋشىسىنا سىيلىق بەردى

None
None
پاۆلودار. قازاقپارات – ق ر پرەزيدەنتى پاۆلودار وبلىسىنىڭ بەسىنشى سىنىپ وقۋشىسىنا سىيلىق بەردى، دەپ حابارلايدى قازاقپارات ءوڭىر باسشىسىنىڭ باسپا ءسوز قىزمەتىنە سىلتەمە جاساپ.

ەكى اپتا بۇرىن ەرتىس اۋدانىنان كەلگەن 10 جاسار مانسۇر بايمۇسا قاسىم- جومارت توقايەۆقا حات جازىپ، شاحمات پەن اعىلشىن تىلىنە دەگەن قىزىعۋشىلىعى تۋرالى ايتىپ بەرگەن بولاتىن.

مەملەكەت باسشىسىنىڭ جاۋابىن وقۋشىعا پاۆلودار وبلىسىنىڭ اكىمى ءابىلقايىر سقاقوۆ تاپسىردى.

- اينالايىن مانسۇر! سەنىڭ حاتىڭدى ىقىلاسپەن وقىپ شىقتىم. ماعان جولداعان اق تىلەگىڭدى شىنايى ريزاشىلىقپەن قابىلدادىم. شاحماتپەن اينالىسىپ، اعىلشىن ءتىلىن دە مەڭگەرىپ ءجۇرسىڭ، جارايسىڭ. ەلىمىزدە ءوزىڭ سياقتى زەرەك ءارى ۇلگىلى بالالار بولسىن دەپ تىلەيمىن. كەلەشەكتە ءوز ءىسىنىڭ مامانى بولىپ، وتانىمىزعا ادال قىزمەت ەتەتىنىنە كامىل سەنەمىن. اتا- اناڭا مەنىڭ سالەمىمدى جەتكىز. ارمانىڭ ءاردايىم اسقاق بولسىن، مانسۇر. قۇرمەتپەن، قاسىم- جومارت كەمەل ۇلى توقايەۆ، - دەلىنگەن مەملەكەت باسشىسىنىڭ جاۋابىندا. ⠀

ق ر پرەزيدەنتى قاسىم- جومارت توقايەۆ سىيلاعان شاحمات مانسۇرعا تاپسىرىلدى.

سوڭعى جاڭالىقتار