ساقالتاي - تاۋداعى تازالىققا جاۋاپ بەرەتىن قۇس

None
None
نۇر-سۇلتان. قازاقپارات - ساقالتاي - قوزىقۇماي، كوكجورە سەكىلدى كۇندىزگى جىرتقىش قۇستار وتريادىنىڭ قارشىعا تۇقىمداسىنا جاتاتىن ءىرى قۇس. قازاقستاننىڭ قىزىل كىتابىنا ەنگەن.

قازاقستاندا جەتىسۋ، جوڭعار الاتاۋى مەن تيان- شاندا، التايدا كەزدەسەدى. تەڭىز دەڭگەيىنەن 2000-4000 مەتر بيىكتىكتەگى شىڭ- قۇزداردى مەكەندەيدى. سانى تۇراقتى بولعانىمەن ا

ز، سيرەك كەزدەسەتىن ءتۇرى. ۇياسىن تاۋدىڭ جارتاستى- قۇزدى جەرلەرىنە سالادى. اقسۋ- جاباعىلى جانە الماتى تاۋلى قورىقتارىندا 20 شاقتىسى قورعاۋعا الىنعان.

ساقالتايدىڭ جاسىن تۇسىنە قاراي اجىراتۋعا بولادى. قاناتىنىڭ جونى قارا، باۋىرى اقسارعىش، باس ءجۇنى بۋرىل بولسا جاس بولعانى. ال جاسامىستارىندا بۇل سارعىشتاۋ كەلەدى. تەك قانا وزىنە ءتان ەرەكشە بەلگىسى - تۇمسىعىنىڭ ءتۇپ جاعىندا العا قاراي شىعىڭقى كەلگەن ساقال تارىزدەس قويۋ قارا قىلشىعى بولادى. ودان باسقا ەرەكشەلىگى - ءىرى بولۋى. قاناتىن جايعاندا 3 مەترگە دەيىن جەتەدى. قاناتى مەن قۇيرىعىنىڭ ۇشتارى ۇشكىرلەۋ كەلەدى.

ساقالتاي دا وزگە تاۋ قىراندارى سەكىلدى اۋەدە قالىقتاپ ۇشقاندى ۇناتادى. جۇپتاسىپ جۇرەتىن بۇل قۇستاردىڭ تاعى ءبىر قاسيەتى اسپاندا ءبىر- بىرىمەن قۋىسىپ، ءارتۇرلى ورنەكتەر ءتۇزىپ، ويناق سالعاندى ءتاۋىر كورەدى.

ساقالتاي اسا ىرىلىگىنە قاراماستان ونىڭ حايۋاناتتار الەمىنە جىرتقىش رەتىندە زيان كەلتىرەرى شامالى. ويتكەنى ول كوبىنە ولەكسەمەن قورەكتەنەدى. بۇركىت، قاراقۇستاردان قالعان سۇيەك- ساياق سۇيىكتى «اسى» سانالادى. تۇتاس جىلىكتەردى بىتەۋدەي جۇتادى. مىنە، وسىلايشا تاۋداعى تازالىق قىزمەتىن اتقارادى. كەيدە تۇياقتى جانۋارلاردىڭ جاس ءتولىن، قۇس بالاپانىن، تاسباقانى اۋلايدى. جابايى تۇياقتىلار سانى قىسقارسا، ساقالتايلار جوعالىپ كەتۋى ىقتيمال.

قىستىڭ ەڭ سۋىق كەزى بولاتىن جەلتوقسان- قاڭتار ايلارىندا 2-3 جۇمىرتقا سالىپ، ناۋرىز- ساۋىردە بالاپان اشادى. جارىق دۇنيەگە وتە ءالسىز كەلەتىن بالاپاندارى 3 ايدا جەتىلىپ، كۇزگە قاراي ۇشۋعا جاراپ تا قالادى.

massaget.kz

سوڭعى جاڭالىقتار