قازاقستان ءبىرقاتار ەلمەن اۋە قاتىناسى سانىن ارتتىرادى

None
None
نۇر- سۇلتان. قازاقپارات - قازاقستان ءبىرقاتار شەت ەلمەن حالىقارالىق اۋە قاتىناسى سانىن ارتتىرادى. مۇنداي شەشىم ق ر پرەمەر- ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) وتىرىسىندا قابىلداندى، دەپ حابارلايدى قازاقپارات ءتىلشىسى.

اتاپ ايتقاندا، ق ر يندۋستريا جانە ينفراقۇرىلىمدىق دامۋ مينيسترلىگىنىڭ تۇركيامەن (قوسىمشا 4 رەيس)، وزبەكستانمەن (+4 رەيس)، قىرعىزستانمەن (+2 رەيس) جانە ۋكراينامەن (+1 رەيس) حالىقارالىق اۋە رەيستەرىنىڭ سانىن ارتتىرۋ تۋرالى ۇسىنىسى كوميسسيانىڭ قولداۋىنا يە بولدى.

سونداي- اق ق ر پرەمەر- ءمينيسترىنىڭ رەسمي سايتى تاراتقان اقپاراتقا سايكەس، وتىرىستا دەنساۋلىق ساقتاۋ ءمينيسترى الەكسەي سوي بيولوگيالىق قاۋىپسىزدىك تۋرالى زاڭ جوباسىن ازىرلەۋ بارىسىن باياندادى. ءوز كەزەگىندە ۆيتسە- پرەمەر ە. توعجانوۆ اتالعان زاڭ جوباسى بويىنشا بارلىق جۇمىلدىرىلعان مەملەكەتتىك ورگاندارمەن كەلىسۋ جۇمىستارىن جانە بيۋدجەتتىك ەسەپتەردى ەنگىزۋدە بۇعان دەيىن بەكىتىلگەن مەرزىمدەردى ۇستانۋ قاجەتتىگىن اتاپ ءوتتى.

اۆتور: مارلان جيەمباي

سوڭعى جاڭالىقتار