ەڭبەك مينيسترلىگى قارت ادامداردىڭ ءومىر ءسۇرۋ ساپاسىن ارتتىرۋ جوسپارىن بەكىتتى

None
None
نۇر- سۇلتان. قازاقپارات – ق ر ەڭبەك جانە حالىقتى الەۋمەتتىك قورعاۋ مينيسترلىگى قارتتاردىڭ جاعدايىن جاقسارتۋ جونىندەگى 2025 -جىلعا دەيىنگى «بەلسەندى ۇزاق ءومىر ءسۇرۋ» ءىس- شارالار جوسپارىن بەكىتتى.

جوسپاردا 9 باعىت بويىنشا 36 ءىس- شارا قاراستىرىلعان. ولاردىڭ بارلىعى اعا بۋىننىڭ ءومىر ءسۇرۋ ساپاسىن، ءومىر ۇزاقتىعىن ارتتىرۋعا، الەۋمەتتىك جانە پسيحولوگيالىق جاعدايىن جەتىلدىرۋگە باعىتتالعان. قۇجات قارتتاردىڭ قۇقىقتارىن ساقتاۋ ماتەريالدىق جاعدايىن جەتىلدىرۋ جانە ولاردىڭ جۇمىسپەن قامتىلۋىن دەڭگەيىن ارتىرۋ، قارت ادامدارى بار وتباسىلاردى قولداۋ سياقتى ماسەلەلەردى قامتيدى.

مىسالى، قارتتاردىڭ بوس ۋاقىتىن ۇيىمداستىرۋعا جاعداي جاساۋ باعىتىندا ەلىمىزدىڭ بارلىق وڭىرلەرىندە بەلسەندى ءومىر ءسۇرۋ ورتالىقتارىن اشۋ، قارت ادامدار ءۇشىن مادەني- بۇقارالىق ءىس- شارالار وتكىزۋ، قارتتار كۇنىن مەرەكەلەۋگە ارنالعان ءىس- شارالار وتكىزۋ جانە ت. ب. جوسپارلانۋدا.

ۇلتتىق جوسپاردى ازىرلەۋ كەزىندە مادريدتىڭ قارتايۋ ماسەلەلەرى جونىندەگى حالىقارالىق ءىس- قيمىل جوسپارىنىڭ ۇسىنىستارى ەسكەرىلدى. وندا قارت ادامداردىڭ تەك الەۋمەتتىك قامتاماسىز ەتىلۋىنە عانا ەمەس، سونىمەن قاتار زياتكەرلىك جانە وندىرىستىك تاجىريبە يەسى، قوعام دامۋىنىڭ بەلسەندى قاتىسۋشىلارى رەتىندە سۇرانىسقا يە بولۋىنا باعىتتالعان شارالار قاراستىرىلعان.

بۇگىنگى تاڭدا قازاقستان ب ۇ ۇ انىقتاعان 7 پايىزدىق شەكتى ەڭسەرىپ، حالقى قارتايعان ەلدەرگە جاتقىزىلدى. ەلىمىزدىڭ 8 ايماعىنا قارتايۋ پروتسەسى ءتان. ماسەلەن، ەلدىڭ سولتۇستىك- شىعىسىندا جانە ورتالىق قازاقستاننىڭ ءبىر بولىگىندە جاعداي ەۋروپا ەلدەرىمەن ۇقساس، ياعني حالىقتىڭ از تابيعي ءوسىمى جانە كوشى- قوننىڭ تەرىس سالدوسى سەبەبىنەن جاس ادامدارمەن سالىستىرعاندا ەگدە ادامدار سانىنىڭ تەز وسۋىنە بايلانىستى حالىقتىڭ قارتايۋى ورىن الادى.

رەسپۋبليكانىڭ وڭتۇستىك جانە باتىس وڭىرلەرىندە، سونداي- اق نۇر- سۇلتان قالاسىندا بالا تۋۋدىڭ ءوسۋى ەسەبىنەن 15 جاسقا دەيىنگى حالىق ۇلەسىنىڭ ۇلعايۋى بايقالادى، ناتيجەسىندە حالىقتىڭ قارتايۋ كورسەتكىشى تومەندەيدى. ءىس- شارالار جوسپارىمەن enbek.gov.kz سايتىندا تانىسۋعا بولادى.
سوڭعى جاڭالىقتار