زەينەتاقى اننۋيتەتىنىڭ قۇنى قانشا

None
None
نۇر- سۇلتان. قازاقپارات - ق ر قارجى نارىعىن رەتتەۋ جانە دامىتۋ اگەنتتىگى ساقتاندىرۋ نارىعى جانە اكتۋارلىق ەسەپ ايىرىسۋلار دەپارتامەنتى ساقتاندىرۋ نارىعىن دامىتۋ باسقارماسىنىڭ باسشىسى ساعي اجىبەك زەينەتاقى اننۋيتەتىنە قاتىستى زاڭناماعا قانداي وزگەرىس ەنگىزىلگەنىن ايتىپ بەردى، دەپ حابارلايدى قازاقپارات ءتىلشىسى.

(ساقتاندىرۋ كومپانياسى ءسىزدى ءومىرىڭىزدىڭ سوڭىنا دەيىن زەينەتاقىمەن قامتاماسىز ەتۋگە مىندەتتەلەدى. وسى قارجىلىق تەتىك «زەينەتاقى اننۋيتەتى» دەپ اتالادى.)

«ەكونوميكالىق ءوسىمدى قالپىنا كەلتىرۋ تۋرالى» زاڭ ارقىلى زەينەتاقى اننۋيتەتى سياقتى ساقتاندىرۋ ونىمىمەن قامتاماسىز ەتۋ ەرەجەلەرىنە ماڭىزدى تۇزەتۋلەر ەنگىزىلدى. بۇل تۇزەتۋلەر زەينەتاقى اننۋيتەتىنىڭ ازاماتتارعا قولجەتىمدىگىن ءارى تارتىمدىلىعىن ارتتىرۋعا اسەر ەتتى»، - دەدى س. اجىبەك ورتالىق كوممۋنيكاتسيالار قىزمەتىندە وتكەن بريفينگتە.

نەگىزگى وزگەرتۋلەر بويىنشا، بۇرىن زەينەتاقى اننۋيتەتى بويىنشا ەڭ تومەنگى تولەم مولشەرى مينيمالدى زەينەتاقىدان تومەن بولماۋى كەرەك ەدى. ال قازىر تولەم مولشەرى ەڭ تومەنگى كۇنكورىس دەڭگەيىنىڭ 70 پايىزىنان كەم بولماۋى كەرەك. بۇل شارا ارقىلى اننۋيتەتتىڭ قۇنىن شامامەن 40 پايىزعا تومەندەگەن. ەكىنشىدەن تولەمدەرى كەيىنگە قالدىرىلعان زەينەتاقى اننۋيتەتى ەنگىزىلدى. بۇل ساقتاندىرۋ ءونىمى بويىنشا ازاماتتار 45 جاستان باستاپ زەينەتاقى اننۋيتەتى شارتىن جاساي الادى، ال تولەمدەردى ەر ادامدار 55 جاستان باستاپ، ايەلدەر - 52 جاستان باستاپ الا باستايدى.

«بيىلدان باستاپ زەينەتاقى اننۋيتەتىنىڭ قۇنى ايتارلىقتاي تومەندەدى. 2020 -جىلى 55 جاسقا تولعان ەر ادامدار ءۇشىن زەينەتاقى اننۋيتەتى شارتىن جاساۋ ءۇشىن جەتكىلىكتى سوما شامامەن 11 ميلليون تەڭگە بولسا، بيىلدان باستاپ بۇل كورسەتكىش 6,7 ميلليون تەڭگەگە دەيىن تومەندەگەن. ال 52 جاستاعى ايەلدەر ءۇشىن جەتكىلىكتى سوما شامامەن 15 ميلليون تەڭگەدەن 9,0 ميلليون تەڭگەگە تومەندەگەن. تولەمدەرى 55 جاستان باستالاتىن كەيىنگە قالدىرىلعان زەينەتاقى اننۋيتەتىن 45 جاستان الۋ ءۇشىن ەر ادامدا كەمىندە - 6,1 ميلليون تەڭگە، ال ايەلدە - 7,7 ميلليون تەڭگە بولۋى كەرەك. وسىلايشا، زەينەتاقى اننۋيتەتى زەينەتاقى قورىنىڭ سالىمشىسىنا جاس جانە ەڭبەككە قابىلەتتى كەزىندە زەينەتاقى تولەمدەرىنىڭ بالامالى كوزىن قۇرۋعا جانە زەينەتكە شىققاندا ءوزىن تۇراقتى تولەمدەرمەن قامتاماسىز ەتۋگە مۇمكىندىك بەرەدى»، - دەيدى سپيكەر.

ايتا كەتەيىك، ءومىردى ساقتاندىرۋ كومپانياسى زەينەتاقى اننۋيتەتى تولەمدەرىن ساقتانۋشىعا ءومىر بويى اي سايىن تولەيدى جانە جىل سايىن تولەمدەردى % 5 پايىزدان كەم ەمەس كورسەتكىشكە كوتەرىپ وتىرادى. سونىمەن بىرگە، زەينەتاقى اننۋيتەتى شارتىندا كەپىلدەندىرىلگەن تولەم مەرزىمىن ورناتۋعا بولادى، بۇل وپتسيا ساقتانۋشى قايتىس بولعان جاعدايدا زەينەتاقى اننۋيتەتى تولەمدەرىن مۇراگەرلەرگە بەرۋ مۇمكىندىگىن قامتاماسىز ەتەدى.

ساعي اجىبەك زەينەتاقى اننۋيتەتى شارتىنىڭ قانداي ارتىقشىلىقتار بەرەتىنىن ءتۇسىندىردى.

«ەكونوميكالىق ءوسىمدى قالپىنا كەلتىرۋ ماسەلەلەرى جونىندەگى زاڭ اياسىنداعى وزگەرىستەرگە سايكەس، ب ج ز ق سالىمشىلارى زەينەتاقى اننۋيتەتى شارتى بولعان جاعدايدا تۇرعىن ءۇي جاعدايىن جاقسارتۋ جانە (نەمەسە) ەم اقىسىن تولەۋ نەمەسە زەينەتاقى اكتيۆتەرىن ينۆەستيتسيالىق پورتفەل باسقارۋشىسىنا سەنىمگەرلىك باسقارۋعا بەرۋ ءۇشىن ب ج ز ق- عا مىندەتتى زەينەتاقى جارنالارى جانە (نەمەسە) مىندەتتى كاسىپتىك زەينەتاقى جارنالارى ەسەبىنەن ءوز زەينەتاقى جيناقتارىن ق ر زاڭناماسىنا سايكەس جۇمساي الادى. زەينەتاقى اننۋيتەتى ونىمدەرىنىڭ جەلىسىن كەڭەيتۋ ماقساتىندا بيىل زەينەتاقى اننۋيتەتى شارتىنا ءبىر ادامنىڭ ەمەس، ەرلى- زايىپتىلاردىڭ (جاقىن تۋىستاردىڭ) قاتىسۋىنا مۇمكىندىك بەرەتىن بىرلەسكەن اننۋيتەتتەر ەنگىزۋ جوسپارلانۋدا»، - دەدى ساعي اجىبەك و ك ق بريفينگىندە.

بىرلەسكەن اننۋيتەت ەرلى- زايىپتىلاردىڭ (جاقىن تۋىستاردىڭ) زەينەتاقى جيناقتارىن بىرىكتىرۋگە جانە اننۋيتەت شارتى بويىنشا كىرىستەردى قايتا بولۋگە مۇمكىندىك بەرەدى. مىسالى، ءبىر ادامدا وسك (ءومىردى ساقتاندىرۋ كومپانياسى) اننۋيتەتتى ساتىپ الۋ ءۇشىن زەينەتاقى جيناقتارى جەتكىلىكسىز بولسا، ال ونىڭ جۇبايىندا ارتىعىمەن بولسا، بىرلەسكەن زەينەتاقى اننۋيتەتى ارقىلى ەكەۋىنە دە ءومىر بويى تولەمدەر قامتاماسىز ەتىلەدى. سونىمەن بىرگە، س. اجىبەك زەينەتاقى اننۋيتەتى مەن زەينەتاقى تولەمدەرىنىڭ نەگىزگى ايىرماشىلىقتارىن ءتۇسىندىردى.

«قولدانىستاعى زاڭناماعا سايكەس، ازاماتتار زەينەتاقى جاسىنا جەتكەندە زەينەتاقى تولەمدەرىن ءبىرىڭعاي جيناقتاۋشى زەينەتاقى قورىنان الۋعا قۇقىلى نەمەسە زەينەتاقى جيناقتارى جەتكىلىكتى بولعان جاعدايدا، ءومىردى ساقتاندىرۋ كومپانياسىنان زەينەتاقى اننۋيتەتىن ساتىپ الۋ ارقىلى تولەمدەر الا الادى. ءبىرىڭعاي جيناقتاۋشى زەينەتاقى قورىنان تولەمدەر زەينەتاقى جيناقتارى بىتكەنشە جۇزەگە اسىرىلادى، ال ءومىردى ساقتاندىرۋ كومپانياسىنان تولەمدەر الدىن- الا ناقتى بەلگىلەنگەن مولشەرمەن ءومىر بويى جۇزەگە اسىرىلادى. سونىمەن بىرگە، زەينەتاقى اننۋيتەتى بويىنشا تولەمدەر ەر ادامدار 55 جاسقا، ايەلدەر - 52 جاسقا تولعاندا تولەنەدى»، - دەيدى س. اجىبەك.

اۆتور: ايجان سەرىكجان قىزى

سوڭعى جاڭالىقتار