پاندەميا سالدارىنان ەلوردانىڭ ءىرى مادەني وشاقتارى شىعىنعا باتتى

None
None
نۇر- سۇلتان. قازاقپارات - «Astana Venue Management» ج ش س- نىڭ باس ديرەكتورى مالىك حاسەنوۆ ەلورداداعى مادەني نىسانداردىڭ 2020 -جىلعى شىعىستارىنا قاتىستى ناقتى دەرەكتەرمەن ءبولىستى، دەپ حابارلايدى قازاقپارات ءتىلشىسى.

«ەگەر ءار نىسانعا قاتىستى ناقتى ايتار بولساق، تاۋەلسىزدىك سارايىنىڭ اۋماعى 38 مىڭ شارشى مەتردى قۇرايدى. جوندەۋ جۇمىستارى، عيمارات تاماشا. 2020 -جىلعى كىرىسى 29 ميلليون، ال شىعىسى 467 ميلليون تەڭگەنى قۇرادى. كوممەرتسيالىق ءوسىم تۇرعىسىنان الىپ قارايتىن بولساق، جالعا 8 مىڭ شارشى مەتردى بەرۋگە بولار ەدى. قازىرگى ۋاقىتتا ونىڭ 300 شارشى مەترى جالعا بەرىلگەنىمەن 100 شارشى مەترى قايتارىمسىز نەگىزدە ۇسىنىلىپ وتىر»، - دەدى ول نۇر- سۇلتان قالالىق ءماسليحاتىنىڭ الەۋمەتتىك- مادەني دامۋ ماسەلەلەرى جونىندەگى كوميسسياسىنىڭ وتىرىسىندا.

ونىڭ دەرەگىنشە، وتكەن جىلى ەلورداداعى بەيبىتشىلىك پەن كەلىسىم سارايى دا مول شىعىنعا باتقان. «بەيبىتشىلىك پەن كەلىسىم سارايى نەمەسە پيراميدانى الار بولساق، 2020 -جىلعى كىرىسى 4 ميلليون تەڭگەنى عانا قۇرادى. ال شىعىسى - 465 ميلليون تەڭگە. كوممەرتسيالىق الاڭى - 5,5 مىڭ شارشى مەتر. ونىڭ 4,6 مىڭ شارشى مەترى جالعا بەرىلگەنىمەن 4 550 شارشى مەترى تەگىن پايدالانىلىپ وتىر. نىسانداردىڭ ىشىندە «استانا- بايتەرەك» پاندەميا سالدارىنان ۇلكەن زيان شەكتى. ويتكەنى، «بايتەرەك» 2007 -جىلدان بەرى ءوزىن- ءوزى قارجىلاندىرىپ كەلگەن بولاتىن. ال 2020 -جىلدىڭ قورىتىندىسىندا پاندەميا رەجيمى سالدارىنان نىسان جۇمىسى توقتاپ قالدى»، - دەدى سپيكەر.

ج ش س باسشىسىنىڭ ايتۋىنشا، اتالعان ءۇش نىساننىڭ قىزمەتىنە قاتىستى سەنىمدى باسقارۋعا بەرىلگەن مادەني وشاقتاردى دامىتۋ ستراتەگياسى ازىرلەنگەن. «بۇل تۇجىرىمداما قالا اكىمىنە تانىستىرىلىپ، قولداۋ تاپتى. سونىمەن بىرگە ەل باسشىلىعىنا دا تانىستىرىلدى. بۇل رەتتە ءبىرقاتار ساياسي شەشىم قاجەت. سوندىقتان ءبىز تولىق قولداۋعا يە بولدىق»، - دەدى م. حاسەنوۆ.

اۆتور: مارلان جيەمباي

سوڭعى جاڭالىقتار