باس سانيتارلىق دارىگەر الداعى ۋاقىتتا ۆاكسينا كىمدەرگە جاسالاتىنىن ايتتى

None
None
نۇر- سۇلتان. قازاقپارات - ق ر دەنساۋلىق ساقتاۋ ۆيتسە- ءمينيسترى، باس مەملەكەتتىك سانيتارلىق دارىگەر ەرلان قياسوۆ كوروناۆيرۋسقا قارسى جاپپاي ۆاكسينالاۋ ناۋقانى تۋرالى ايتتى، دەپ حابارلايدى قازاقپارات ءتىلشىسى.

«ۆاكسينالاۋ ناۋقانى باستالدى، قازىرگى كەزدە ءتيىستى توپتارعا ەكپە جاسالىپ جاتىر. ءساۋىر ايىنا قاراي ەكپە ءوندىرۋ كولەمى ارتادى دەپ جوسپارلانعان. ناۋرىز ايىندا ۆاكسينا ءوندىرۋ ايىنا 160 مىڭ دوزاعا دەيىن جەتكىزىلەدى، ال ساۋىردە 600 مىڭ دوزاعا دەيىن بولادى. ءتيىستى توپتار ەكپەمەن قامتىلعاننان كەيىن، ءساۋىر ايىنىڭ سوڭىنا قاراي ەكپە سالدىرۋعا نيەت بىلدىرگەندەر نارىقتاعى قولجەتىمدى ۆاكسينانى قويدىرادى»، - دەدى ە. قياسوۆ ورتالىق كوممۋنيكاتسيالار قىزمەتىندە.

سونىمەن قاتار ول ناۋرىز ايىندا پەداگوگتاردى جانە كۇش قۇرىلىمداردىڭ قىزمەتكەرلەرىنە ەكپە سالدىرۋ باستالاتىنىن ايتتى.

«ساۋىردە بىرتىندەپ ۆاكسينا سالدىرۋعا دايىن حالىقتىڭ باسقا دا بولىكتەرىنە اۋىسامىز»، - دەدى ۆيتسە- مينيستر.

بۇدان بۇرىن حابارلانعانداي، 23 -اقپاننان قاراعاندى فارماتسيەۆتيكالىق كەشەنىنىڭ بازاسىندا وندىرىلگەن 93 مىڭ دوزا مولشەرىندەگى ۆاكسينانىڭ ەكىنشى پارتياسىن جەتكىزۋ باستالدى. وسى ۆاكسينامەن مەديتسينا قىزمەتكەرلەرىنە ەكپە جاساۋ اياقتالعان سوڭ، پەداگوگتاردى ۆاكسيناتسيالاۋدى باستاۋ جوسپارلانىپ وتىر.

ەرلان قياسوۆ كوروناۆيرۋسقا قارسى 65 جاستان اسقان ادامداردى ۆاكسيناتسيالاۋعا بايلانىستى تۇسىنىك بەردى.

«65 جاستان اسقان ادامداردى ۆاكسيناتسيالاۋعا قاتىستى ءوندىرۋشىنىڭ رەسمي اقپاراتىنىڭ نەگىزىندە، مەديسينالىق قارسى كورسەتىلىمدەرىن (سوزىلمالى اۋرۋلاردىڭ، اللەرگيالىق رەاكسيالاردىڭ جانە وزگە دە قارسى كورسەتىلىمدەردىڭ بولۋى) ەسكەرە وتىرىپ، وسى جاس ەرەكشەلىك ساناتىنداعى ادامداردى ۆاكسيناتسيالاۋعا رۇقسات بەرۋ تۋرالى شەشىم قابىلداندى. ق ر باس مەملەكەتتىك سانيتارلىق دارىگەرىنىڭ ءتيىستى قاۋلىسىنا قول قويىلدى»، - دەدى ە. قياسوۆ ورتالىق كوممۋنيكاتسيالار قىزمەتىندە.

اۆتور: رۋسلان عابباسوۆ

سوڭعى جاڭالىقتار